ارتاح يا قلبى فى حضن الحبيب نام وارتاح
ويا دقات قلبه حديث للروح مسا وصباح
يشفى الألم.......يشفى ما فيه من جراح
وانسى امبارح وفكر فى بكره انسى اللى راح
انسى فى يوم هجرك وضمنى بقوه ضمنى لصدرك
انسى أيام عشتها وحدك وانسى دموع حرقت خدك
وقول له أنا قلبى خلاص سامحك.....قلبى مسامحك
الحب اللى فى قلبى ما تضيعوش الايام
ولا القسوه......... والجروح والآلام
وانا دلوقتى على صدرك حقيقه موش احلام
خدنى فى جضنك ضم شفايفى على شفايفك
وعلى دقات قلبك سيبنى ارتاح سيبنى أنام
عوضنى سينين الهجر والدمع والآلام والمر
وان دعتنى أنا طوع الأمر ليك ليلى كله حتى الفجر
حكون ليك النور وضى البدر وحسعدك طول العمر
موش حتعرف ليلك من نهارك لانى كل حبك وباختيارك
أحفظ فى قلبى كل أسرارك وانت فيه وانا فى كل أفكارك
موش حتشوف دمعه تانى على خدى
هاديك من قلبى كل حنانى وودى
وفى حضنك تدفينى من بردى
وانعم بجمالى وبكل شهدى
واليوم اللى من عمرنا يعدى
نعيده من تانى
وما فيش فى الدنيا حد قدك ولا قدى
واحنا لاتنين حنكون أجمل عاشقين
ونقول مين فى الحب مين ذينا مين
وفى الحب ذينا موش حتلقى اتنين
أفراح فى القلب
بسمه على الشفايف نور على الخدين
وبندعى وبنشكر ربنا وله راكعين وساجدين
وبنقول يا رب بارك لنا فى حبنا آمين يا رب العالمين
**********
مع تحياتى
الشاعر المصرى
شوقى غنيم
عضو رابطة الكتاب العرب
رد مع اقتباس
المشاركة الأصلية كتبت بواسطة الشيخ ابوحيدر
