قصيده

[غفران الحزين]

مهما بعدنا الزمن **** وبعدتنا الولايات
يجمعنا حب الوطن **** شما تبعد الخطوات
بغداد حضنك دفو **** وننام مرتاحين
ولا بد يعدي الحزن **** يا أمنا لا تبكين
أطياف ومذاهب نعم **** نختلف بالأديان
لكن أبونا الوطن **** ونعيش كلنا أخوان
من غير بيت وأهل **** ما ينفع الإنسان
الغيمة لا ما تظل **** مناطرة النجمات

خلونا ايد بايد **** نبني بلد منهار
خيرات عدنا أكيد **** مو نهر عدنا أنهار
هذا عراق الصبر **** ترخص له الأعمار

باجر يعود الفرح **** والبسمة للأطفال
لابد نشوف الصبح **** الليل مهما طال
لو بينا مية جرح **** بعد الصبر شلال

يوم اللي نزرع حب **** صدقوني نحصد حب
وما دام احنا أهل **** ويجمعنا أرض ورب
أهل الحضارة نظل **** وما عدنا أي شي صعب
شمال وجنوب ووسط **** أخوة احنا متحدين
سنة وصابئة وشيعة **** تركمان ومسيحيين
ما نفترق للأبد **** شما سووا المغرضين
منريد حسرة أب لا منريد **** منريد دمعة أم لا منريد
ندعي بصلاة الصبح **** يا رب شيل الهم
عراق واحد يظل **** يجمعنا كلنا علم

كلمات من ذهب سلمت يداك اخي العزيز

تحياتي

[فلــــــه]

عاشت الايادي ع النقل المييز
دمت بهذا التألق والابداع
تحياتي ..
فلـــه

[غفران الحزين]

شكرااااا على مروركم الجميل

اخي الزير واختي فله

شكراا لكم
تحياتي


غفران الحزين

[سلام الدراجي]

ابدعت ياغفران على هذه القصيده الرائعه

[غفران الحزين]

شكراااا على مرورك اخي الزير