السلام عليكم....شلونكم شباب+بنات؟؟ اليوم جبتلكم حوار بين اب وابنه اكيد بالدارمي وهذا الحوار......
الاب:
يوليدي اعرف بيك عاشك واعذرك
ومن تطخ الراس من حكي احذرك
الابن:
يابويه اظل للدوم عد حسن ظنك
شمعه على درب الشوك كل كلمه منك
الاب:
يوليدي درب الشوك كبلك مشيته
سهله بدمع تبجي بالدم بجيته
الابن:
يابويه عد عيناك بس كلي هسه
انسه الاحبها تريد وعيونك انسه
الاب:
لا يبني كلبي ارتاح وتلل وحب
بس اظن هم يفيد حجي المجرب
الابن:
انه اشكر الله هواي مثلك ابو يصير
بطيبه وكلب فرحان ينصحني ويشير
الاب
يوليدي اريدك دوم تندل طريقك
واحسبني من هاليوم بالحب صديقك
اتمنى ان ينال اعجابكم
لكم مني اجمل تحيه