صوتو معنا للشعر الشعبي في المسابقة الادبية الكبرى..
الاخوه والاخوات الاعزاء
قبل ايام تم طرح المسابقة الادبية الكبرى..
http://www.alforat.org/showthread.php?t=97388
وكانت الغاية منها هي لابراز قدرة الكاتب .شاعرا" كان ام اديبا" وتفاعله على الادلاء والايصال من خلال تفجير طاقاته ضمن حدود مداورة الكلمة مع الموقف..ضمن هذه الحركة المتناضرة أحيانا"والمتداخله اخرى وبين الحلم والهم وبين الحلم والواقع لتصبح الحالة مألوفة للمتلقي..
من هذا الباب اخوتي اخواتي ..ننشر لكم المواضيع المشاركة..
ما عليكم فعله هو..بعد قراءة المواضيع ادناه هو تقيمها على ان يشمل التقييم موضوعين فقط
ولا يحق للفرد ان يختار اكثر من ذلك..علما" ان مدت الاستطلاع ستستمر لمدة عشرة ايام من اول يوم تم نشر المواضيع فيه..
واليكم المواضيع:
* 1-
معجزه
يالتسأل أعلى العشگ أنته الك هالميزه
صرت بنهاية سطر مامش وراه فارزه
يالگتلي وصفّني الك وصفّتك بمعجزه
مشيتك آمر حرس تمشي وراه مفرزه
ومن تحچي وأسمع ألك چني أحچي وي فنجزه
شيشة عطر من تمر ريحتك متميزه
شفاف ما لون الك جام وذهب طرزه
والماي كلش خشن لاجلدك يبززه
شعرك خسوف الگمر وبلون عمري الجزه
والوجه قرص الشمس ما نوصل المركزه
وهلال راس الشهر حاجبك من تغمزه
ورموش نبله ورمح بالگلب متمركزه
وعيون ما تنگحم الصد الهن تجنزه
والخشم ويه الحلگ بس شفّتك تحجزه
وأشفاف الك من عسل جوريه ومحززه
واسنون وگفن سره ما بيها كل جربزه
المعجون مال الطبخ بس وجنتك تفرزه
والرگبه نومة طفل ما نگدر انفززه
والنهر شگ الصدر وتلاله المبوّزه
وتل أعلى صدرك نهض هنياله اليهزهزه
ماياكل اكل البشر وطحينا النخبزه
لن بطن مامش شفت ويالظهر صارن وزه
ولازگ بچفك شمع بالنار لاتغرزه
ورجلين الك من ورق گص گلبي واتعكزه
مقصر تره بالوصف يالوصفك معوّزه
المركز الأول الك وبكل ثقه تحرزه
وتبقى انته نص الگلب عصفوره ومعززه
ولو يوم اشوفك رحت صدگني أنصب عزه
*2-
~~@ اذا گلبك يحـــــبني @~~
اذا گلبك يحـــــــــــبني انطيني اثبات
وابصمــــــــــــلك احبك اني بالعشرة
بگد بغداد احبــــــــــك وبغلاة الروح
وأنا لأجلك احب واعــــشگ البصرة
يلعينــــــك جزيرة أتيـــــه الخيـــــال
ومعـــــــــــلوم اليشوفك ينشغل فكرة
وحگ رقة احساسك يارقيق أحساس
أفرح من أشوفك فرحــــــــة الزهرة
وأحزن لو غبت عني حزن عاشور
وحگ شهر الصيام وحرمته وأجره
وحگ حبك حبيبي وقـــسم بالرحمن
الگلب عگبك عليل ومنتهي أمـــره
ياأحلى ورد ياتــــــــرف چنك ياس
وأخذ لونه الورد منك وأخذ عطرة
من شــــــعرك يصيح الليل آه ياليل
ويخجل من عيونك ياحـــــلو فجرة
الشمس منك تغار وتستحي وتغيب
لأن انت بجمـــــالك ياحلو بهره
ولازم تستحي وطبعا أكيد تغيب
لأن ويه الشمس ماترهم الگمرة
لأن ويه الشمس ماترهم الگمرة
*3-
شعر شعبي
يمه كالولي العمر منعيشه عمرين
وانه لحبيبي نذرت عمري وسنيني
تالي العشك يا يوم اسى ومذله
وحركة فراكه تاليها زادت ونيني
ارد انشد نسيم الهاب يوصلّه سلام
انخاك يالنسيم لا تروح تانيني
ويا حادي النوك ترى كبل لا تهاجر
علامة لمعشوكي ادزها وياك خليني
يا اغلى الغوالي ما خلك مثلك بشر
أبد بالكون واجيب منين آنه مثلك دليني
تدري العشك يا عمري هم وبلية
لكن عشكك يا روحي مدري وش سوّى فيني
4-
جراح مسافرة
***************
اجاج كليبي ولهان...رايد شوفت اخدودج
عجيبه اشلون تنسيني...ولاني مفكر بعوفج؟؟
وعجيبه ادور هالدنيه...تلف وبعد ما شوفج
أطش اورود عالوجنات..واهدي أعتاب لرسومج
ليش اليحب يتعذب ..بالوجنات وزلوفج؟؟
بكليبي امواج تتلاطم...سفن بحار ساريتج
وصوت البحر لو هاج...ياخذ صوت من صوتج
أشعار وكتب منظومه..دواوين العلى متونج
ونوح البوم يحبيبه..جذب ونات من نوحج
غريب انه وسط اهلي...أصيحن اااه وبحركه
غريك بنهر شاطيك..ولا مديتي لي لوحج
بذاته وتنصب اشباك...بلام يسامر الروجه
أعوم بوسط شاطيك...ويردني اعل الجرف روجج
كفايه اتمرمري افادي..تهيجي اجروحي واجروحج
واخير العمر من تالي...يرد اردود ياحلوه
ويلاكيني الدهر غفلة..واموت بغيرت انهودج
أحبج أول وتالي..وأذوبن بين نفنوفج
ولو جاج الكلب ولهان..تتلكيه بغرورج؟؟
هاي اطباع كل بذات..وحنين كليبي ما عوفج
أجيج اليوم بكليبي..عذاب وألم وعتاب
ورده اعل الصدر تغفه..تنام بلمسة اجفوفج
ومن عيني تهيج ادموع..ما ظن تدمع اعيونج
اعود بلهفت العاشك..غريك ويشتهي الرمله
وتضل اشفافي ذبلانه...لم اتلاكي اخدودج
اعود بلهفة العاشك..اريد اهلي والملكه
وتكفيني ابتسامة شوك..مرسومات بعيونج
****************
مع فائق شكري وتقديري
انتهت مواضيع القسم الشعبي
واعلاه تقيمكم ضمن الاستطلاع
ولا تنسوا الشروط
رد مع اقتباس
رد: صوتو معنا للشعر الشعبي في المسابقة الادبية الكبرى..
المشاركة الأصلية كتبت بواسطة احلام في الانتظار
