صبر روحي

السلام عليكم ورحمه الله وبركاته

وكل عام وانتم بالف الف خير
اعاده الله عليكم بالخير والموفقيه والسلام
اخوتي الاعزاء كما وعتكم سلفآ باني سوف استمر بالكتابه
وها انا اليوم افي بوعدي لكم وانشر هذه القصيده عسى ان تنال اعجابكم
مع فائق حبي واشواقي لكم

صبر روحي

ضمني بوسط روحك لاتبوح السر يااول عشك والروح بيك اتسر

ياسلوة دليلي وخاطري المكسور يل كلي اطيعك من علي تؤمر
يبو شعر الليالي والحواجب ظيم يلعيونك مصيبة من علي تخزر
طبعي انشد عليك شما علي تجور ودورلك عذر من تزل حتى اعذر
واتانيك بفرح واتنطرك ملهوف وانت وحته طيفك ما عليه يمر
ذمه الشوك روحي بركبتك يازين بعيونك رحم خل من علي تنظر
يالمرخص دموعي وياونيني عليك اثر بلدليل وبيه كام ايضر
وعيون الشماته سيوف مسلولات وجفوف الكرهني تحنت وتسطر
اسمك على الاساني وسلوتي بطرواك وانت اسمي على بالك لحظه مايخطر
اذا ذنبي هويت ومن صدك حبيت ذنبك نار هجرك بالكلب تسعر
يصير اكضي العمر وياك بس هموم واضل جم دوب الالله بشوفتك انذر
مر بيه حبيبي وسكت العذال مليت الصبر ما بيه بعد اصبر
هلبت حاسبت روحك يبد الذات وهلبت بلجذب فيك علي يكسر
حكمتك بروحي وما نصفت وياي الملم بلعمر وبكيفك تطشر
الملم بلعمر وبكيفك تطشر وبكيفك تطشر

[الحالمه]

صح لسانك اخوي عازف الليل
وعاشت ايدك على هذه القصيدة الرائعة
بانتظار جديدك

تحياتي

[رونق الحياة]

قصيدة رائعة

مشكور اخي باانتظار جديدك
تحيااااتي

[zahra2]

سلمت يداك قصيده جميله جدا

اي والله شيصبر روحي شيصبره لخاطر الله
رحم الله والديك قصيده اجت بوكته نزلت على الجرح

[رفيع التهذيب]

وانتة بخير عزيزي يعيدة عليك وعلى جميع العراقيين بلخير والسلامة

كلمات جميلة يا عازف الطبعي انشد عليك شما علي تجور ودورلك عذر من تزل حتى اعذر
ليل

تقبل مروري
رفيع التهذيب

شكرا اخوتي على دخولكم الكريم
وان شاء الله سوف استمر معكم بكتابه المواضيع والقصائد
في هذا المنتدى الراقي بكل شي
تحياتي الكم واشكركم مرة اخرى