ماريد منك عشك
يكفيك انته الـــبيك
بس تبقه غالي عـلي
وبروحي اضل شاريك
عنك اضل مبتعد وبراحتك خليك
لتشيل هم الجرح والجرح يمي يبات
اسهر واضل للصبح وبراسي الحسبات
مره اسأل اني الكمر
مره اسأل النجمات
صدكني وك فكرت .. والخاطرك قررت ..
عنك اضل مبتعد وبراحتك خليك
ماريد منك عشك .. يكفيك انته البيك
*******
كوليلي ياراحتي
والكلب خلص عمر
متوسد جروحه !!
وسواني وكتى ( وعلي )
بجفاج مرجوحه !
كل ساعه لني بكتر
وضايك مرار شكثر
الطير من ينذبح
شيفيدن جنوحه !!
وما اكول حامض عنب
ولاجفي متلوحه !
ماصخ طعم عشرتي ؟
لو عايز ملوحه ؟؟
ولاوين كافي البعد
عنج سألني الدرب
والنهر وجروفه !
اني الاريدن عشك
ومفطوم انه من العشك
والروح يامنيتي
لطاريج ملهوفه
لطاريج ملهوفه ..
تحياتي لك ام علاوي ولاختياراتك المميزه جدا واعذرني ان يجرفني قلمي واحساسي بان اترك مداخله هنا راجيا ان تنال رضاك واعجابك ....