قصيده \وانه روماني

[سلام الدراجي]

شحجي انه وياك هاي امصيبتي

وانه روماني وأدرى بعلتي

من 9 نيسان سقط هذا الوطن

بس قتل شفنه وجثير من المحن

چنه برج العاج وهزمنه الزمن

وهاي تاليه صفينه البهشتي

وانه روماني وأدرى بعلتي

چنه برج العاج وأحسن بلد

واهسه بالإرهاب والله أنخلد

إذا مو ربنه اليمد چفه الأحد

سامع الدعوة ورافع شكوتي

وانه روماني وأدرى بعلتي

سامع الدعوة ورافع للگرب

من سمع نخوه شهيد لمن خطب

قال يا روحي اقبض من طلب

وخله يلعب مع الحور بجنتي

وانه روماني وأدرى بعلتي

والله يا ربي ابتلينه ابفارسي

وكل جماعتنه يقودها اللمنچي

يا الهي لو كسر ما اشتكي

بس انه من الظيم أشكو حالتي

وانه روماني وأدرى بعلتي

والله يا ربي ملينه الوكت

ومن تشتتنه انه أتعذبت

بلوه ابتلينه ودمنه سالت من رحت

جتي منخيي العارف بلوتي

وانه روماني وادري بعلتي

حتى صدگأني بدو يتهامسون

شبيك يبو حيدر سألفتك تهون

تره كل البشر أيروحون أو يجون

بس مصيبة هاي هيه امصيبتي

وانه روماني وأدرى بعلتي

والله يا ربي مل مني الزمان

وانه أحب اهرب وغير ها المكان

أبقى اسكر فاقد ويم الرومان

وما أعاود لو تموتن جدتي

وانه روماني وادري بعلتي

انه ادعوك يا ربي يا عظيم

شافي ها المرضى وگلمن سقيم

وانه ادري بيك ذو قلب رحيم

وكلهه صاحت باابو القاسم مهجتي

وانه روماني وأدرى بعلتي

وشحجي انه وياك هاي امصيبتي

[ابو علي الصكر]

حبيبي الروماني الله ايسلمك من كل مصيبه0000
اخي العزيز قصيده جميله 0000
ابدعت حبيبي والله يشد من ازرك نحو تقدم باهر00

الصكر

[سلام الدراجي]

تسلم اخويه العزيز على تشجيعك والله يبارك فيك

حلوه هاي يالزير روماني تاليفك لو لا انتظر جواب

[سلام الدراجي]

ابومالك العزيز اشكرك نعم هاي من تاليفي