أنه بدونك شبه مصيوب فوگ الگاع يتمحلج
أنه بدونك مثل عصفور بيه أحترگ عشه أتدوهن وما هج
وانه بدونك شبيه گلوب چان ينور ... خاف من الظلام أتراجف وما وج
ولتني الدنيه انه بلياك تعاركني وبلايا اسباب تتحجج
وتمرمر ريگي كل مصباح العسل برياگي صاير مج
تعال جروحي مفدوعات وفراگك يفجهن فج
تعال جروحي ماتنلاح وكراكة شماته البيهن تغمّج
تعال الياوكت باقي أنتظر رجواك وانته بكل برود گليبك مثّلج
أضل الياوكت متگلي أصبر العين لو أصبر دليلي الكل نهار ينج
مشيت بدربك وماخذت عبره وشور وآنه أدري بطريقك بالبدايه اعوج
گلت هذا اللي يرسم بسمتي اعلى شفاي رسمت دموع جوه العين تتلجلج
وصل حدها تراهي وطفح بيه الكيل ضاگت فرد نوب وما اظن تفرج
الك جيه بعد لو أكشف المستور ....
.... وأخلي المايريد يشوف يتفرج