كون اتشوف

[ام علاوي]

عفت كلشي ... وجبت كلشي

ومدري شلون اجيت امشي
. .

اجيتك ردت اكَــلك شـــوف

ردنه انعوف كلشي وماعرفنه نعوف
كون اتشوف حالي اشكَد الك ملهوف؟!!

* * * *

جبت كلشي اليسولف بيك

خيالي وصحوتي وطيوف

جبت دكَات كَلبي الكَطعن كَلبي بجفاك اسيوف

جبت صفنات روحي

السودنت روحي
…

مثل جن بمسيه وعل يتيمه يحوف

كون اتشوف ... بشفافي الحزن ماخله بسمه تعيش

وكلمن كَمت ابوسه ابخده اطبع اوف

كون اتشوف
...

* * * *

ا دموع الجدم مايدري وين يروح

والخطوات عميه

وتايه بلا شـــوف…

كون اتشوف ...

خلصت الوجوه

وشفت كل الناس

كلهه وجوه غربه ولا وجه معروف

وين الكَاك يلموصوف

اليّه وآنه الك موصـوف؟!!

* * * *

يالفركَاك غربة وكلشي

ما مألوف…

انه بلياك مدري اشبيه مابيه ..

زلف وبلايه ترجيه

درب مابيه كل جيه ..

نهر فاض وتبع ميه

رجـع بس مالكَالـه اجروف

كون اتشوف روحي اشخلّه بيهه الخوف

مطلوبة نذر واتخاف ..

ماتوصل حضرتك

من بعيد اطّوف..

* * * *

كون اتشوف روحي اشخلّه بيهه الخوف

مثل دمع العروس…

الجايه اعله اجناب

ويصبّر عليهه

وجابهه الزافوف…

* * * *

وشوف اشخله بيّه الخوف

مثل حلّت مدارس

روحي احسهه اطفال

حلّت واتركتني
..

وباقي بس اصفوف

* * * *

ويا وحشة اصفوفي ومن يجيني الليل

ويالون الوجه

بعدك الضل مخطوف!!

* * * *

وياقسوة اظنوني الماتريد ارتاح

وانه الصاير اسير

وبيدهن مجتوف..

* * * *

كون الكَاك واشكيلك

على جروحي الّلكَيت

الغشمه بيهه اتروف!!

* * * *

وكون الكَاك وابجيلك وسوي خدودي

سبوره ودمعتي احروف

وكون الكَاك واحجيلك

بكتاب السنين انحذف كلشي الجان

بس اسمك لكَيته الباقي ما محذوف
* * * *

واذكرك من مسحت ادموعي

بآخر يوم على خدودي

احس لهسه طبع اجفوف

* * * *

كون اتشوف اعيوني مضيف تصير وكت النوم

وهلبت بالحلم لنك

تجينه اضيوف!!

كون اتشوف حالي

اشكَد الك ملهوف!!

(مماداعب الوجدا )

الرائعه ام علاوي
يشرفني ان اكون اول المارين
لانني لم اجد قصيده واحساس
ولم اجد قافيه ووزن
بل وجدت كل شيء
كلمات صرخة على هذا المتصفح
لتبين للقاريء
انه .....هذا هو الحب
معاناة..خوف...ألم..اشتياق...لوعه
كلها تجسدت عندكي ايتها المبدعه
تمنياتي لكي بالتوفيق
ودعائي لكي بالخير والسلامه

[ام فيصل]

كون اتشوف ... بشفافي الحزن ماخله بسمه تعيش

وكلمن كَمت ابوسه ابخده اطبع اوف

كون اتشوف


قصيدة غاية بالروعة
رسمت معاناة روح مبتلية
قوة في المفردة
وروعة بالإحساس الذي اربك حروفي
للرائعة دوما ,,,,,,,,, ارق تحياتي
وماننحرم ذائقتك العذبة وجميل انتقاءك

كوني بخير غاليتي

[ام علاوي]

زهير العقابي .... شكرا لروعة حضورك
انرت متصفحي اخي
اسعدني جدا مرورك الدائم
تحياتي لك ولجميل تواصلك

[ام علاوي]

ام فيصل الغاليه .... يسلملي حضورك الجميل
لاعدمت حضورك المميز
لك خالص مودتي

[سفيره الشعر]

الغاليه ام علاوي

كون تشوف قصيده جميله للشاعر المبدع


جبار رشيد حملت كل المعاني الرائعه


العذبه الشفافه اختياراتك مميزه وتنم


عن ذوق رائع اصيل تقبلي مروري

كون اتشوف ... بشفافي الحزن ماخله بسمه تعيش


وكلمن كَمت ابوسه ابخده اطبع اوف


كون اتشوف

وكون انشوف المزيد من ابداعك
عزيزتي ام علاوي

كنتي كما كنتي متألقة وصاحبة ذوق رفيع وجميل في الانتقاء


قصيدة لا مست القلب والوجدان

جزيل الشكر والتقدير لك على الانتقاء الاكثر من رائع


تقبلي تحياتي

[ام علاوي]

سفيرة الشعر... عذرا لم اجد اسم الشاعر على القصيده
لذلك اكتفيت بكلمة مماداعب الوجدان
اشكر لك حضورك الجميل
واتمنى ان يدوم التواصل بيننا
تحياتي الخالصه عزيزتي