قررت اعله جتفك ماانام انوب
وافك ارسوم جفك هدمت سافي
واشك ثوب العشك وانتفض (عالعينين)
واشد اجروحي كلها ابسمة اشفافي
(واسكر )الليل غصبن عالسهر واسطيه
واصيحن عالنجم لاتكشف الخافي
العشك شيطان( لو مرنه فلا ينراد )
يضم مايه العكر ويبين الصافي
عذر منك يجيني ( تكلي جن دكتور)
شفتك دوه العله اجفوفك اتشافي
انه شلي بحلاتك والشعر والطول
اذا اشوفن مريض اعله الصدر غافي
اخيطك كل وكت والكاك ( هم مفتوك )
تعب حلك الابر ماتعبت اجتافي
اشك صدر البحر لاجلك اجيب الماي
كل هذا وتكلي بزود مجذافي
هدف كل البشر بافراح تتعناه
ولانك بالدرب ( خابت تره اهدافي )
بدرب اضلم تذبني اتصير ( جالعاكول )
يادرب الاطلعه ( وتدري انه الحافي )
شمعه بكل درب مااريدك (انته وياي )
اخافن دمعتك بالنار تجويني
انه طبعي حطب وانته ( الي طبعك نار )
مااريدك ( دفو لا .. لا تدفيني )
اسمع ماشفت منك وفه( بفد يوم )
شفت مره وفه وماصدكت عيني
( يمك اشكرك جيت انه ادناك )
كعدت من الحلم غدرك يوعيني
جنت بيدك حجر متمسك بيمناك
خايف لا اطيح تريد ترميني
لجن انه رميتك مو بعد ماخاف
الف واحد دعاني يريد يبنيني