هيــــــــــه غلطه....
هيه غلطه ....
صارت بعمري وهويتك.....
وهيه غلطه ....
چنت اظن أنت الأماني
وأنت ذاك أنت الحبيب الناطريتك
وهيه غلطه.....
چنت اظن الريم يخجل ....
لو تمر الگاع تتثنه ابمشيتك....
وهيه غلطه ...
چنت اظن الدنيا كلها
اتموت لو لحظه نسيتك !!!
وگلت شنهو العين من اتروح فدوه
وانه بالروح افتديتك
وعرفت غدار طبعك
وما وفيت وياي مره
الغلط مني بعتك اسنيني وشريتك ....
واعبرت آخر محطات الصبر
وچن غريب اتدور بيه
اعيون تعبانه وذليله
وگلت اســــافر ...........
مسافر والدرب يگضي ...
مسافر والحلم يگضي........
وعثرات التظل بالروح ماتگضي
وشلت العمر ومشيت
أخطن بالليالي أدروب
أحط اجدامي عالسچه
الگه محبتك بالروح كلها أذنوب
وانه الردتك عمر لسنيني من تاهت
لگيتك ...
تگبع اسنيني بصبر ايوب
واهجس صوت ياخذني الشواطيك
اشوف احلامي مصلوبه
وأشوف گليبي هم مصلوب ...
وحنان اگليبي يا خذني واردن ليك
علامه الفارقه بوجهك تگلي ابعد.....
أجر الروح گوه امشي .......
تخضر گاعك دموعي
يالغدرك ثبت بسمار بضلوعي
وأمل بشوگك الدنيا
وأمل حتى الوفه بروحي
ألگه گليبي يطحن هم على اجروحي ..
وأريد ابچي اريد ابچي ..
وارد أعوذ الشيطان
واسكت روحي بروحي ..
وعرفت حبك ملامه وقشمره وتراب حنطه
هيه غلطه صارت بعمري وهويتك
هيه غلطه
منق ـووول
رد مع اقتباس
رد: هيــــــــــه غلطه....
المشاركة الأصلية كتبت بواسطة محتاره
