لان انت حياتي وطعم دنياي

[احسان الجنابي]

بيع الروح الك مرخوص واشريك

وامير لقلبي وحدك انته اخليك

كل سنين عمري الفات والجاي
...
اصوغنهن هدية لصوت طاريك

اضمك وين وانته ابكلبي مزروع

اذبل من صدك بس كون اهديك

امسح غضب حزنك من العيون

نارك تشتعل وعيوني تطفيك

انت المايهزك لايم ايلوم

مثل وكفة جبل وكفاتك ادريك

الك مرخوص ابيع الروح واشريك

ضوة اعيونك يهزني على البعد دوم

يعّيد بيك كلبي المافرح يوم

اعز من الهوى وساعات الغروب

والذ من الفرح باوقات الهموم

اشهك بيك شهكة ميت ايصيح

وافز فزة حلم ماضايك النوم

لان انت حياتي وطعم دنياي

زرع روحي .... اوجودك ماي الغيوم

ادور لمسة ايدك ..رقة البيك

مثل نجمة وتضيع ابين النجوم

كلما اكتب اسمي الكاك وياي

انسى اسمي واكتبك احلى الارسوم

من احجي وي غيرك جني وياك

اسمك من زمان ابروحي موشوم ...

العمر ماعاد يحمل ساعة افراك

تعال انلم شملنة العمر ينباك

حرام ايضع من العمر يومين

واذا مو ماي حضنك يطفي الاشاك

مما راق لي
مع تحيات الجنابي

[امير الرافدين]

رائعة هي الكلمات التي انتقيتها
اخي الفاضل
مزيدا من الابداع
تقبل مروري

[بنت عز وجمالهه يهز]

صح اللسانك كلمات معبرة .... تحياتي الك

[السومري71]

عزيزي احسان
قصيدة رائعه جميله في المعنى
تتراقص احرفها من حلاوتها
تحياتي لك ولجميل انتقائك

[ابو سجاد الركابي]

ما راق لك الا الجميل
تقبل تحياتي

[رنا العراقية]

العمر ماعاد يحمل ساعة افراك

تعال انلم شملنة العمر ينباك

حرام ايضع من العمر يومين





عاشت ايدك اختيار موفق وكلام جميل

تسلم وتقبل مروري

وفقك الله
تقبل مروري
دعائي الدائم لك بالاستمرار بابداع
تمنياتي لك بالخير والسلامه

[احسان الجنابي]

جدا مسرور بمروركم وسعيد اكثر بكلماتكم الطيبه التي خطتها اناملكم واتمنى لكم التوفيق
مع تحيات الجنابي