قصة قصيدة

[عتابي]

قصيده بعنوان (مرثية العام الدراسي )

للشاعر الكبير (كاظم اسماعيل الكاطع)

تدور قصه هذه القصيده حول ابن الشاعر حيدر رحمه الله
حيث دخل الشاعر للبيت ووجد ابنه حيدر
قد شنق نفسه بعد ما كان يتفرج على فلم اجنبي
حدث به هذا الامر وحيدر كان في الابتدائيه والمدرسه
كانت تقع امام منزل الشاعرواليكم التفاصيل في
هذه القصيده الحزينه

*********

حيدر
الا يقلقك ضجيج العربات على
سكك المنايا ؟
انت اصغر المسافرين سنا ..
فكيف فتح لك قطار الموت ابوابه ؟
وداعا ولدي
وداعا حيدركاظم اسماعيل
بغداد 1997

********

بدى العام الدراسي وبدت لهموم
وبيتي عل مدارس بابه صاير
نسيت وداعتك اشتري هدوم
الك00ومحضر اقلام ودفاتر
موتسمع قيام وليش متكوم ؟؟

****
ومراسمك ولا من كال حاضر
الشمس طلعت علينه مو وكت نوم
وهم عدكم صبح يااهل المكابر ؟؟

**
وهم عدكم ضوه وشباج ونجوم ؟؟
وهم ينطونكم واجب لباجر ؟؟
الوالد بالوداع يصير مهموم
وانه ثنينهن والد وشاعر
اذا عشرين يوم وماشفت نوم
شيظل بالحيل بالعشره الاواخر؟
***
فراش الفاتحه لو شفته ملموم
بنص كلوبنه تلكه الجوادر
يمنه المصبغه او ودينه لهدوم
الحزنك مشترينه قماش حاضر
تمنيتك جرح كلساع ملجوم
وتبات الليل بشفاف الخناجر
لمت الروح بس شفادني اللوم
شلحَك؟
وبسفينه الموت عابر
ستر الله نغط بديارنه البوم
اخذ عين الكلاده وراح طاير
اهن كاسين بيهن كاس مسموم
اخاف اغلط وبالمسموم اكاسر
بعنه البيت ريت البيت مهجوم
وريت اكثر بعد من هل خساير
تحب انته اللعب والكَبر ملموم
شلون تحملت وشلون صابر؟
***
وليش يابوي من الهوى محروم ؟؟
ونسمات الهوى اطيب الخاطر

من هو؟
شوفك صورة المعدوم؟
وليش تعلكت يا شاب قاصر ؟

****
ماضنبت زرعي يروح فد يوم
وعصافير الحزن تكضي البيادر
من اكتب قصيدة تزيد الغيوم
ومن عيني الدمع يملي الدفاتر
يبقى بهل مطر ياشعر منظوم

اعجببتني فنقلتها اليكم

[السومري71]

اخي العتابي
والله لقد ابكيتنا بهذه القصيدة
وهل هناك اغلى من الولد
ادعوا من الله عز وجل يحفظ كل ابنائنا
شكرا لهذا الانتقاء الجميل
خالص تحياتي

[عتابي]

شكرا للمرور الطيب ..
حفظكم الله وابنائكم .. لك ودي .

عشت وعاش الشاعر الكبير المخضرم
كاظم اسماعيل كَاطع

[عتابي]

ممنونك .. وانه ممنون منك للمرور الطيب ..
تحياتنا الغالية

[طالب الناصري]

احسنت لما نقلت
فقد اثر فينا هذا
الحزن العارم شكرا
لك وللشاعر الكبير

[عتابي]

الف تحية لك مني اخي الناصري ..
دمت بود

[نجوي]

ماضنبت زرعي يروح فد يوم
وعصافير الحزن تكضي البيادر
من اكتب قصيدة تزيد الغيوم
ومن عيني الدمع يملي الدفاتر
يبقى بهل مطر ياشعر منظوم

عاشت الاناملک علی هذه النقل
وواقعا وکت المصیبه واجب نذکر مصیبه اهل البیت علیهم افضل الصلاه والسلام
ساعدلله قلب ابا عبدلله( ع ) اب طف کربلا
وشعر فی غایه الحزن
لاننحرم من مزیدک
تحیتی