جثث فوك الجثث يالمهدي ظلينه
يالمهدي انذبحنة بسيف هذا وذاك***وخيبر صار يمنة ومحد يشلعة
يالمهدي اشتهتنة سيوف امية النوب***وهم ردوا علينة الخدع والبدعة
يالمهدي اليتامى بكل درب ينعون***طاحت عينهة وما طاحت الدمعة
يالمهدي الارامل دكوا البوب***وبيت المال مالنة والغيرنة ايوزعة
يالمهدي الجثث لعبت روح الكاع***الميت ندفنة وترجع ازوعة
يالمهدي ومحمد ماكو حتى الروس***وبالف ياعلي الميت نكدر انطلعة
نفتر بالجثث ونرهم وية الروس***والما رهم راسه انبدلة ونرجعة
يالمهدي العبونة بلعبة التحرير***وشعب يالاسف يتقشمر بشمعة
يالمهدي كبل بس كوفة وحدة تكول***ومسلم طاح بيهة وخانتةالفزعة
هسة الكوفة زينة وبيهة مسلم ذاك***بس هية المصيبة السودنة الطوعة
شمتاني بعد يالحجة نترجاك***دطلع يبو صالح شوفنة شبينة
يومية طبك كل يوم عاشوراء***وبكل بيت صارت تنحب سكينة
وما يوكف لطمنة من الصبح لليل***مثل زينب على المذبوح ردينة
بس هية كبل الحرة جابت روس***واحنة الجثث عدنة وروس ملكينة
كبل جان الشهيد ايطبهلة التابوت***وامه اتشمه شم وتحس خدينة
هسة بلا جفن يالحجة لاتابوت***بس عظام وسط الجيس شمينة
اي محد شالنة وشيع الميتين***لحم فوك اللحم يالمهدي ظلينة
العرب زفت ولدهة العرست كل يوم***واحنة اعلى المكابر ولد زفينة
صبرا يا عرب يالبينة تنفجرون***على كصصكم علامة اكس حطينة
يولد شمدرسمبي ولد قومك لوط***دكلي بيا بخت يا لوط حاجينة
امه سوي زفة بيا شرع يا دين***يتنصب شهيد الينفجر بينة
كافي من الحقد مو غضب بيت الله***مو حتة البقيع النبع شك عينة
مو حتة المناير اذنت مكلوب***ما تدري بوكتهة اتكول صلينة
صبرا يا عرب باجر يجيك الدور***ويحمسكم حمس لو طلع مهدينة
والا من ناصر منصيح والعباس***ولا نترك الحر اليفزع اعلينة
ومتردنة المنايا وما يهزنة الخوف***وعلى سيوف المنايا اركاب هدينة
ولا نطلب عوض من حلك ياهو الجان***ولا من اليهودي بيوم جدينة
اذا لا سامح الله وصار بينة الجوع***من سفرة علي ننتظرة ينطينة
من سفرة علي ننتظرة ينطينة
رد مع اقتباس
مشاركة: جثث فوك الجثث يالمهدي ظلينه
