حاجيني بنظرتك

[ملكة الاحساس]

حاجيني بنظرتك وفتهم شتريد
وخلي رموش عينك هية تسألني

بس حرك رمش وآنه اعرف المقصود
وسولف بالتريده عنك وعني

صوتك من تسولف حقي اذوبن بيه
ماجنك تسولف جنك اتغني

نظراتك طلاسم مالهن عراف
ساعة ارتخي بيهن وساعة يجتلني

ياابيض ثلج والثوب اسود اللون
كلي شلون رهمن هذا ويه اذني

ومن تمشي بدلع تسحك بكلبي تريد
وكل قصدك تدوس الكلب وتذلني

احس روحي وياروحك صارن بفد روح
واذا اسال عليك اسال قصد عني

اريد احجي واكول اشلون
كاتلني بهواك يمعود ارحمني

كاتلني هواك واسال اترجاك
وغريبه شلون احبك وانت كاتلني

[محمد السوداني]

قصيدة رائعة اخت ملكة الاحساس
تقبلي تحياتي وننتظر منك المزيد
>>>>>>>>>>>>>>>>>>>>>>>>
احس روحي وياروحك صارن بفد روح
واذا اسأل عليك اسأل قصد عني

رائععععععععععععععه

[حيدر القريشي]

ياابيض ثلج والثوب اسود اللون
كلي شلون رهمن هذا ويه اذني



الابيض من يلبس اسود يطلع كلش حلو

اهنئك يا ملكه على الاسلوب الرائع والمتميز

شكرا لكي على الابداع المتواصل

وتقبلي مني خالص الود والتقدير