(ياحبيبي )كلشي بيك

احبك ....لاني لولاك لم اكن ....

فاسمح لكماتي ...ان تخترق جدار الصمت ...فانا بك ملهم ...

.................................

(ياحبيبي )كلشي بيك ....

جروح تمطر فوك كيعان الزمن سالوفه خضره ....

جفوف ترسم فوك وجنات الليالي عيون حمره ...

(ياحبيبي ) كلشي بيك ...

ليل من ايجر نفس يزرعله كمره ...

بعيد صح مرات احسك ....بس احس كلش جريب ...

ياجرح عض اعله اشافه ...حته جرح الناس من يسمع يطيب...

ياشمس ....

نسلت ضواها وامنت عد السمه اسرار المغيب ...

(ياحبيبي ) بكلشي صوتك بيه دلاله تكول بس انت الحبيب...

وانت وحدك علمتني ...اشلون من اشتاك اشوفك ...

وانت وحدك ذوبتني ...بصوتك المتروس لهفه ...

وما كلت من امشي اعوفك ...

وانت انت الشيّدت ليامي كعبه ...وعلمتني

اشلون من احتام اطوفك

ابيا حرم كل ليله اطوفك

(وياحبيبي )الشوك بس يمك يعتني

وينثر ايامي ثلج فوك السحاب ...

ويرسم الراحه اعله متني ...

(وياحبيبي )وداعتك لاما نسيتك ......

لان ادري انت حنين ...وادري بيامك حنينه ومانستني ...

وانت امس كلشي اعله مودك ....صبت عيونه دمه ...

وانت امس من شلت جفك ...باسته اشفاف السمه ..

انت يل بشفار جرحك ....طيرت راس الضمه

كلشي بيك ....روحي بيك ...الدنيه بيك ...الجنه بيك ...النار بيك ...

وانه وي اول حرف دك باب اشافي ...كمت وي كلشي اشتهيك ....

وجفن عيني المافتح شباجه مره ....بس الك مايه انفرش ...

لان يدري بكبريائك ...شال رايات الكرامه ...ودكها يم اخر نعش ...

وما اكول روحي عطشانه واجيت ...ادري بسمك ماي كوثر حرّم اعليه العطش ...

كلشي بيك ...(يا حبيبي )

للامانة للشاعر الدكتور فلاح الزيدي

[اسيرة دمعتي]

وجفن عيني المافتح شباجه مره ....بس الك مايه انفرش ...


لان يدري بكبريائك ...شال رايات الكرامه ...ودكها يم اخر نعش ...


وما اكول روحي عطشانه واجيت ...ادري بسمك ماي كوثر حرّم اعليه العطش

الله عليك سلمت انامكل كلمات رائعه من شخص مبدع
ننتظر جديدك

[طالب الناصري]

شكرا ياامير لك وللدكتور
نزف جميل جدا ودي