تعالو وشوفو البنات شيسون باليوم

بسم الله الرحمن الرحيم


- تكعد بال 12الظهر مو على صوت منبه لا لأن المنبه اصلا خلصانة باترياتة من زمااان و صاير مزهرية و احتمال امسوية فتحة بي و حاطة بي ورد اكو منبه اضبط اللي هوة صوت ماما(وج كومي اشتغلي وج كومي اشتغلي وج كومي اشتغلي وج كومي اشتغلي وج كومي اشتغلي.........42 مرة ) وراها تبدي نصف ساعة حرة تتضمن اهم مواضيع الساعة عالميا (تثائب,,,,, تذكر الحلم,,,,,شراح البس اليوم من اروح السهام العبيدي؟؟؟ الحمرة خلصت امي تقبل اخذ شوية من معجون الطماطة؟؟ اذا الكحل خلص عدنا فحم؟؟)و ترجع اتنام!!!!!!!!!!

2- اتظل تمارين ايروبكس الصباحية بس مو رياضة و انما اتجر المخدة و اتخليها فوك راسها و وراها ترجع اتخلي المخدة جوة راسها و وراها ترجع اتخليها فوك راسها (112 مرة)

3- كولو كامت( كككلللللللييييششششششششش) اول شي تتوجه للحمام حتة اتغسل وجها,,,,, امها بالمطبخ ما تسمع اللا عيطة 6 ريختر صادرة من جهة الحمام رأسا اتذب الجفجير و ب 3 كمزات هية بالحمام تريد اتشوف بتها اشصار بيها شنو انتلت بالواير؟؟؟؟ ابراهامز صعدت عليها؟؟؟؟؟؟؟( ادري ابراهامز اشجابها بالحمام اللي اعرفة بغرفة الخطار,,,المهم) تكتشف الام انه سبب العياط جان ابو بريص عال حايط يم المغسلة الأم راح تتعصب و تكللها وج ادري هسة هوة أبو بريص أي ادري شطالعلج؟؟رابح صقر؟؟؟ وتعوفها و ترجع للمطبخ اتدور عال جفجير وين صفة بي الدهر
4- تبدي البنوتة الشغل,,,,,, تلزم المكناسة الكهربائية( اذا أكو وطني اذا ماكو ترجع اتنام ) و تكنس الزولية(مو زورية) كل اللي اتسوي انه اتشيل 4 حبابي تمن و الشكر اذا واكع ما اتعب نفسها و اتشيله(كلبها جبير راح اتعوفة للنمل) و ترجع اتطفي المكناسة و اتكول ال امها المكناسة انترست بعد ماكو مجال ما اكدر اكنس ,,,امها راح اتكلها تعاي لعد كشري البتيتة حتة اسوي فنكر اني اقليها ادري بيج ما اتدبريها بس تعاي كشري ,,,

5- تاخذ 3 بتيتايات صغار اب صينية جبيرة مال قوزي ( شنو هال زحمة؟؟؟) و سجينة ام المتر و تبدي تذبح العفو اتكشر البتيتة ورة ربع ساعة راح تكتشف انه كل الكشور اللي اموخرتها وياها تقريبا نص البتيتة لازكة بيها راح تاخذ 5 بتيتايات لخ بحيث من 5 كيلوات راح يصفة ماعون بي 15 قطعة فنكر

6- وراها فترة استراحة 5 ساعات (مع انه الشغل كله جان ثلث ساعة) تكعد عال سكلايت تبدي اتكلب بالقنوات روتانا خليجية ميوسك مزيكا ميلودي و اتظل نفس السلسلة ساعة بحيث شكو مغني بالقنوات هاي معدتة تكلب و ايكوم ايزوع و جرررررب هنا و طفت الكهرباء

7- تلزم الارضي تخابر صديقتها كولو حصلت الرقم تعالو شوفو شلون يحجون:



هلوووووووووووو شلوووووووووووووووونج؟ من ساعة 1:00 الى ساعة 2:00
اخبااااااااااااااااارج؟شووووووووووووننج حياتي؟؟؟؟؟؟؟؟؟؟؟
مشتاقتلج هلو بيج اني اكثر انتي شلوووووووووووووونج؟؟؟؟؟؟؟؟
مشتاااقتلج موت !!!! اخبارججججج؟؟؟ اموووووورج؟

ههههههههههههههههههههه(على شنو تضحك؟؟؟ ما اعرف) ( من ساعة 2:00 الى ساعة 3:00)


شفتي سامو زين ذاك اليوم؟وججج عزززة ايخبل ايخبل لا لا تامر مو حل (من 3:00 الى نهاية المخابرة) صاير طالعتلة بطباطة اب خشمة اي اي
يا حفلة؟جذذذذذذذذب!!!!!!!! مال اليسا ؟؟لا ما شفتها لااااااا عفيييييييييييييية
شوكت طلعت؟؟؟؟؟؟ لااااا حرامااااااااات جنت دا اغسل شون حظظظظظظظ
يللا بلكي ايطلعوها مرة لخخ اكلج,,, عندج نغمة مال هيثم حلو حبك؟؟ صدك؟؟
عفية عود انطينياها حبااااااااااااااابة ,,,هههههههههههههههههههههههههههههه
ههههههههههههههههه( على شنو الضحك والله ما ادري هسة قابل خطي مشترك
وياهم؟) شكد خبيثة,,,ايي اييي اني هم يللا لعد اشوفج عال نت باي


8- طبعا البنات كلش يحبن الماوس مال حاسبة و يفيكون من يشتروه ابو المي ابو المدري شنو اكو ماوس احمر اصغير بس اني اليوم جايبلهم ماوس كلش عملي و حتة يساعد اب شغل البيت (زين شنو علاقة شغل البيت اب ماوس مال حاسبة؟) هاي العلاقة ليش مستغربين؟؟؟؟







باعي عيني كلك يمنة ينطيج خيارات شتريدين كوي ياخة كوي الكسرة مال تنورة؟ لو شنو؟ كلك يسرة تطلعلج قائمة درجات الكوي بس ما اوصيج لا اتحطي على اخر شي حتة البنطرون لا ايصير شورت و بابا يتعصب و بي scroll حتة الماوس يمشي و يروح رأسا للقطعة اللي تريدين حضرتج اتضربيها و دبل كلك يبدي ايطلع بخار و يعدل القطعة اللي دا اتضربيها و كلش بسيط هم واير و بلك يعني اي توصيلات معقدة ما بي





نصائح لكل البنات لا اتصيرون مثل ذولة ديربالكم








هاي خطية جانت حلوة بس فقدت بريقها و رونقها بسبب التكشير المستمر للبتيتة و جلف الاواني الفافونية و غسل الملابس على الطريقة العجرمية (آه و نص) ف ديرو بالكم لا تشتغلون شغل زايد بعدين لا تسرحون شعركم بالخلاط في حالة عطل المدعو شسوار حتة لا ايصير شعركم مثل هاي (بالمناسبة هاي ملكة جمال النيبال بس مو هسة كبل من جانت النيبال زقاق قبل ما اتصير دولة)






هاي اللخ خطية بعد اتعس خشمها جنة سرة مال بانزين لان جانت توكف بالسرة مال نساء(ديرو بالكم لحد يوكف سرة) و نتيجة للتأقلم اليومي مع السرة خشمها صار هيج اضافة الى الاثار السلبية لعجن الكليجة و عمل الحشوة مال دولمة و تبديل قناني الغاز بس هاي جانت حلوة الى ان اجة اليوم المشؤوم و طكت عليها بيتنجانة ناسفة افقدتها جمالها الازلي و كافي عاد لهنا و ااششش لأن مو بس رجلي كامت اتحكني و انما كامت اتملخني و الموضوع كلة لغرض الشقة و ندري البنات شكد حبابات و ورود مال الله و تعيشون و تسلموووووون

[العراقي الاصيل]

ههههههههههههههههههههههههههههه النص كلش حلو بس لو اسوي مسلسل بعد احلا ايصير تحياتي للك

ههههههههههههههههههههههههههههه النص كلش حلو بس لو اسوي مسلسل بعد احلا ايصير تحياتي للك

مشكور ياحلو علي الموضوع راحت عليكم يابنات