دورت لكم على هذي النكات ارجو ان تنال اعجابكم بس يمكن قديمه كلبي ما مرتاح
ابليس هرب من العراق سئلو ليش
: كال علمتهم عالغش والحواسم واشترو بيوت تالي يكتبون عليها هذا من فضل ربي
عراقي وياباني وامريكي ديمشون سويه الامريكي
خله ايده على اذنه وكام يحجي العراقي كله شبيك تخبلت كاله لا بس سولنه تقنيه زرعو تلفونات بيدينا وره شويه الياباني
كام يحجي كاله لعراقي لك شبيك صخنت كاله لا احنه عدنه التقنيه الخلوي مزروع باذنه العراقي كام يحوص شسوي
شسوي جان يشوف ورقه اكلها كالوله لك شدتسوي كاللهم والله دا ادز فاكس لاهلي
اكو واحد تزوج نانسي عجرم ورة مدة راح الى امام جامع كلة
أريد تطلكني من عده لان لاتتصلي ولا تصوم كلة امام الجامع كلة رمضان يروح ويرجع بس هذي اذا تروح بعد مترجع
مصلاوي ذبح خروف سوا اللحم كباب والارجل باجة والجلد سجادة والامعاء سماد والعظام طحنها علف للدجاج وحتى صوت الخروف خلاه نغمة للموبايل
سوداني ينظف المسجد قال له االامام: بيض الله وجهك قال السوداني: ماكو امل
كردي ديشتغل بمعرض السيارات كلوله منو اول واحد ركب بطه كال نيلز
واحد اشترى بي ام بمواصفات خاصة، فيها الكمبيوتر يصلح كل شي من دون ما يروح الوكالة!
حب الدليمي يجربها فدعم بالباب اللي عاليمين، فرد الكمبيوتر: يا أيها الباب ارجع كما كنت، فرد ودعم بالباب اللي عاليسار، فرد الكمبيوتر يا أيها الباب ارجع كما كنت!
عجبته السالفة قام جربها وطار من فوق الجسر!! فرد الكمبيوتر: يا أيتها النفس المطمئنة ارجعي إلى ربك راضية مرضية
فد يوم واحد خابر مرتة گلها احميلي المي .صاحبة گلله عمي لو هيچ الزلم لو ما تنراد . جاوبة گللة لعد شعبالك قابل اغسل مواعين بمي بارد
محششة ضايجة جارتها كالت هاي ليش ضايجة المحششة كالت دزيت ابو الجهال للسوق يجيبلي فاصوليا دعمته سيارة ومات جارتها كالت و شراح تسوين كالت اسوي باميا وامري لله
محشش كاعد عالشط شاف واحد يغرق كلما يرفع ايده يكول له وعليك السلام
واحد متدين امة سالتة شلون تريدها العروستك ؟ قال" اريدها و العياذ بالله و العياذبالله تشبه اليسا
كردي تطوع بالحرس الوطني انطوه سلاح وكالوله ورة ساعة 11 الي تشوفه اكتلة لانه منع تجول.. هو ساعة 10 كتل واحد كالوله ليش كتلته بعده منع التجول؟ كال مو هذا بيتهم بعيد ميوصل قبل 11
واحد تعارك ويه مرته، گطفهه من الشباچ، وكعت بالشارع، شافهه فد سكران، گام باسهه.. هيه هم باسته.. السكران صفن... گال: عجيب، بعدهه تشتغل ليش ذابيهه؟
(شجر كلو فلفل، نهر كلو فلفل، حور عين كلو فلفل) ... شيخ جامع بالهند يوصفلهم الجنه
الصوماليين رجعوا شاحنات المساعدات مال الأدويه للكويت.. گالوا شنسوي بيهه إذا كلهه وره الأكل؟؟
كردي سألوه شنو رأيك بالزواج المبكر ؟ گال:والله كلما من غبشه أحسن.
مدرس سأل طالب كردي گلله :إبني شتصير من تكبر؟ گلله: شايب إستاد.
واحد مالگه موضوع ، سأل صاحبه: أبوك الله يرحمه أشو من مات ليهسه ماسمعناله خبر؟
وحده مستويه، گالت لواحد: بوسني.. گاللهه: لا دليمي.
مصلاوي مات وخلف 24 ولد و 2650 دينار... لكوه كاتب بالوصية: إشتروا بيهن صندوگ بيبسي وتقاسموه بيناتكم .
دليمي اشتره لإبنه شبح، گال له: مشي بيهه حالك لمن أحصللك لادا زينه.
عشرة أكراد خطفوا طياره فارغه واتصلوا بالحكومه: إذا ماتنفذون مطالبنا تره كل ساعه نقتل واحد مننا.
كردي عطس يم مصري ، ترس وجهه تفال، المصري گاله : أنته أرفتني، الكردي رد: والله ..يمكن أأرفك بس ناسيك؟
واحد أبوه دجال، سأله المعلم: شنو أدوات النصب.؟ جاوبه: لحية وسبحه إستاد.
كسلان ما يفتهم بالرياضيات .. كام طير الاوراق.... كالوله ليش ؟؟ كال الهم حته أفهمه وهيه طايرة
أحول أشتره ديج طلع الديج همينه أحول أجه يحطه بالقفص حطه بره ...... الديج راد ينهزم طب بالقفص .
قروي كال القاسم أبو الكص : فد نفر كص ..... قاسم كله : سفري لو بالصاله ؟؟ كله : سويها مشكل .
ثور كص كرونه كالوله ليش . كال : صارت مزعطه
أعمى, تبرعتله مرته بعينها ... وره العمليه كللها : وفوكاها عوره ؟؟ كام طلكها
ديج مضوج دجاجة المنطقه .... كالتله وحده : ما عندك اهل يربوك ؟؟ كاللها لا والله تفقيس مكاين .
بخيل مات أبوه حط لافته بالسوق كاتب عليها : سلام ينعى أباه ويصلح الساعات .
أحول سكر كام يشوف زين .
أحول سألوه منو تعجبك من نساء العرب ؟؟ كال : حوله بنت الاعور
لوتي راد يقلد كاظم الساهر نزل كاسيت رائحة القدمين
قروي كله الطبيب : يوميه تمشي 10 كيلومترات ... خابرة وره شهر كله دكتور اني هسه بعرعر ... أرجع لو أطلع كبل ؟؟
أمطفي دخل لمحل تجهيزات رياضيه كله ما عدكم أحذية مال هجوم ؟؟
انتظر مشاركتكم بالموضوع على احر من الجمر اختكم اسيرة دمعتي