التفجير الاخير
نائل المظفر
التفجير الاخير
كطعو الماي ونشف نهر الفرات
الماي .. كَالوا غالي عدنه وما نصبّة بلا مقابل
ابهاذا ما نهتم عراقيين قابل ؟
يا مهازل
يا خنوع العالم لكذب السياسي الحللّو لحم المئادب بالأماسي
وآنه كلهه الدنيه مكَلوبه اعلى راسي
وحللّو لحمي النواصب والبعث من دمّي شارب
وانتو محّد عنده شارب
جا شكَلكم ؟ يمته تهتز الكراسي ؟
حتى اذكرك يا سياسي
الخلّصت ناسي ذبايح وانته ناسي
وانته مو ناسي تجامل .. لا تجامل .. يا مناضل
صار ست اسنين تطعن بالذئاب البينه تاكل
اخذوا كل خير العراق
ولا تسوولي مشاكل !!
يا مشاكل وانته ناسك ما تخلّص
يا مشاكل وانته عندك بالنجف فحل الفحول
وسيفة حلال المشاكل
يا مشاكل وانته ناسك ما تخلّص
حتى سجنك بي حوامل
حته كَبرك بي عوائل
حتى بأرضك ناس شاتل
يعني لو رايد تقاتل .. تزكَي كاعك من وريدك تطلع جنودك هياكل!
ردتك تحط صبعك بعين الاسد وتكَلة قاتل
ليش خايف ؟ هوّة ياكل ؟ خاف حسبالك صدكَ بشّار اسد ؟
يغدي فدوة لأسد بابل
يا اسد بابل تحرّك واكَف المن ؟
وانته من جوّاك جرّو حته بابل !!
ياعراق شبيك ما عندك مقاتل ؟
كَلهم انتم جبناء
كَلهم انتم عملاء
كَلهم انتم طلقاء
ولا تخاف .. واليكَلك ياهو كَلك .. كَلله نائل
يا عراق اشلون ما تكَدر تقاتل
والقوافل سدّت عيون الحدود وكلهه متحزمة بقنابل
كَوم يا حيدر علي وردّ القوافل
كَوم واشهر ذو الفقار وصيح بيهم يا عرب هل من منازل ؟
تدري دم زوّارك مغطّي الشوارع واللحم للكَبّة واصل ؟
تدري جم جامع نزل فوكَ الرصيف
وع المصلّي للسكَف كل سجدة نازل
تدري جم مسطر نزل حد ما نشف ما خلة عامل
تدري ملك الموت صار اكبر مقاول ؟
تدري جم حايط عليه لوحة طفل ميت صدكَ رسّامة سافل ؟
تدري جم مرّة انفجر غيض النواصب ؟
وسمعت .. صرخة دخيلك يا بو فاضل
والله حسّيت الجبل ما صدّ حسرتي
من شفت شايب حدر جفّينه خاتل
والله حسّيت الزغر كلة بدمعتي
من شفة دمعة ابو تراب اعلى راسة
وحضنه بي نصّين جاهل
والمَكابر بالدول سمعة صرخته
وما سمع بيهه المراسـل !!!!
ولا سمع بيهه المناضل !!!
تحياتي
رد مع اقتباس
رد: التفجير الاخير
