الصاير بيك حقك لمن اتكول الصارا بيه ماينحسبن اهواي
انا من البيت اطلع شايل اهموم اورد شايل اهموم شلونك بهاي
لاجنحاني عانني وطرت فوك ولارجليه عانني على ممشاي
وايدي اليسرى كصرت بعد متلوح واكصر منها جا شتلوح يمناي
كلش مالي واهس والخلك خيط وصارت زرف ابره بعيني دنياي
اذا لاكيت غيري يجوز ترتاح واذا لاكيتني عاشور ملكاي
وانت تريد اضحك اضحك اشلون وانا جم الخنجر المزروع بجلاي
او ميلوك الضحك الكلبه تعبان وجرح وي دمه يفتر رايح اوجاي
وانا وداعتك مومال ضحكات اخصائي بجي سوتني دنياي
شلون اتريد نلكه افياي بالصيف وانا بعز الشتا ملكيتلي افياي
اسنين الحلوه شاهن جهن اطيور وظلن دشش عمري وماكو شرياي
وعلي حزني شلون اشكال والوان شنو لون الحزن تعذرني من هاي
علي ثوب الحزن مفصل افصال وكلش على كدي او لايك اوياي
انا بدرس الحزن ماخذ صفر دوم 100 بالحزن حطتلي دنياي
الناي شكد حزين ايبجي الناس وظل ياخذ درس من حزني الناي
ربا وياي حزني وكمت اماشي وتعلم حتى كام يبات وياي
حتى كام يبات وياي
منقول