مرحبا شباب واحلى بنات
شلونكم طبعا اني عرفت هذا الموقع من كم يوم وحبيت اكون وياكم بهذا المنتدى الراقي بيكم واشاركم باشعاركم الجميله الراقيه وان شاء الله راح كل يوم ادزلكم قصيده ارجوا ان تنال اعجابكم
فالف تحيه مني الكم واحد واحد ولكل من ساهم في بناء هذا الموقع وكل من شارك فيه مع ودي وعتزازي
مربيه
مر بيه سهم تلكاني الك نيشان ما عذرك لونك تخطي نيشانك
ومربيه حزن تلكاني كلي عيون اكت كت المطر لو كثرت احزانك
مربيه فرح تلكاني حنه وياس احني جفوفي واطبعها عله بيبانك
مربيه طفل تلكاني الك كاروك وخلي النوم طايع يظل لجفانك
مر بيه خرز تلكاني الك شاهول وضل عنوان الك لوضاع عنوانك
مربيه صبر تلكاني الك ايوب خل تاكل عوافي بجثتي ديدانك
مر طوفان تلكاني سفينه نوح وحمل سيئات البيك وحسانك