حبيبي اسكن جهنم

[الشاعر محمد الحميداوي]

رحت عني حبيبي وماالك عنوان
انشدمن عليك ومن يدلينـــــــــــي
تدريني حبيبي الشوفتك عطشان
ماي ولو نشف ريكي تروريني
انته المتصل بالكلب شريان
اذا انساك يعني اكطع شرايني
الحنان البيه مااظن شايله انسان
تهجرني وتظل مشبوحه الك عيني
تمرني وشتت من الروح الاحزان
تدري اشكد اعيد من تجيني
اذب ثوب الحزن والبسلك الوان
وامسح دمعتي الجانت تجويني
واروح وياك واسكن وين ماجان
لوحتى بجهنم ارضه خليني
تدريني بجهنم هم اظل بردان
واكلك ياحلو بحظنك تدفيني
بقلمي الشاعر محمد الحميداوي

[ابو يقين الكعبي]

اخي العزيز محمد...
تشدني دائما بروعة شاعريتك وصورك الجميلة
دمت شاعرا مبدعا
لك كل الاحترام
ابو يقين

[ام فيصل]

شكرا ياالحميداوي
على هذه الشاعرية والنص الجميل
ودام لنا هذا المداد والنبع الذي لاينضب
تحياتي لك عزيزي

[امير الربيعي]

كلمات في
غاية الرووووعة
سلمت اناملك
على ماخطته هنااا
لك مني ارق التحايا

كلمات رائعة ووصف جميل لمشاعر العاشق الولهان تحياتي لك

[الشاعر محمد الحميداوي]

اخي ابو يقين الكعبي اشكر مرورك الذي زاد منغبطتي وسروري دمت غاليا عزيزا

[الشاعر محمد الحميداوي]

العزيزه ام فيصل اشكر مرورك ولك مني اجمل التحايا يارائعه

[الشاعر محمد الحميداوي]

انها روعتك وتفتح ذهنك الراقي الذي يحب ان يستشعر كل ما هو جميل اشكر مرورك امير الربيعي ولك مني اجمل التحايا