أبوذيات حلوه

[شاكر الهلالي]

.

جفوفك ذهب يلمع *** من تحني
وحنانك بيه حياتي *** من تحن لي
شجاك وخرب طبعك *** منته حني (موانت حنين
سراب الوعد واببعد الثريه

*********************
جنت توفي بكلامك *** وبوعودك
يغصن البان سابيني *** بعودك(طولك
جرعت المر بهجرانك *** بعودك ( بعادك
بعادك زلزله ونزلت عليه

************************
أثـّّر بالكـَلب بعدك *** وفركاك
وجنت بيدى امشطلك *** بفركاك
عساه بمرض من صدك *** وفركاك ( فرقك
عني وشاف لوعات المنيه

*********************
الصدك كون متمرمر *** ولوعه
وجنت اغفه على صدرك ***ولوعه
هسه فكر ما عندي *** ولوعه (بدون وعي
مدوهن والمصايب كت عليه

**********************
مدوهن والمصايب *** ماتحلي (مظلوم
ركد جسمي واخبرك ** مات حيلي
ردت منك تجيني *** ما تحلي(حلاوه
تحلي شفايفي اببوسه هديه

*************************
اعاين نور خدك *** يابوشامه
رايد بوسه وحده *** يابه شمـّه
فزعه يبو الغيره *** يابو شامه(شهامه
سوهه لخاطر الله وحن عليه
=========

تحياتي للجميع 0

[محتاره]

الله الله صح لسانك يا مبدع

ابوذيات رااائعه بحق

شكراً من القلب

مودتىى

[سلام الدراجي]

حياك ابو محمود ابوذيات تستاهل التصفيق
تقبل مودتي وتقديري ياشاعر
تحياتي

[امير الاحزان:]

جنت توفي بكلامك *** وبوعودك
يغصن البان سابيني *** بعودك(طولك
جرعت المر بهجرانك *** بعودك ( بعادك
بعادك زلزله ونزلت عليه
.....................
تسلم اخويه الغالي
ابوذيات روعة..اتمنى لك دوم التالق والتميز
تحياتي..
اخوك الامير

[عمار الغزي]

كلك ابداع يا شاكر يشرفني ان اكون احد المارين
بهذه الباقة الجميلة من الابو ذيات تحياتي لك
تقبل مروري المتواضع اخوك الغزي

[شاكر الهلالي]

أمير الاحزان - سلام الدراجي

مبدعي المنتدى الادبي

شكرا لمروركم بموضوعي مع الود 0

[شاكر الهلالي]

كلك ابداع يا شاكر يشرفني ان اكون احد المارين
بهذه الباقة الجميلة من الابو ذيات تحياتي لك
تقبل مروري المتواضع اخوك الغزي

حبيبي عمار اسعدني مرورك بالموضوع

الف شكر اخويه العزيز لاتحرمني اطلالتك 0

[منى العراق]

كلماتك كولش حلوه وقلمك مبدع
تحيتي لك