كش ملك
ساكت مولجل عينك ولاخوف
لجل اعيون تستاهل سكوتي
ردت استعطفك وتناسه ونساك
وكاسر بالصبر ماعون قوتي
اغض بيك النظر عن وحده وثنين
والراحت وجت كلتلهه فوتي
الظاهر ماتقدر موقفي اوياك
نسيت ابساع وكفاتي ونخوتي
ولو ماتخجل اوماعنك احساس
بس لابد احذرك من قسوتي
راح اغضب وفك صندوك السرار
والعب كش ملك وجهل خطوتي
اذا ماجرحك من الطول للطول
واذا حبيت اكدلك ثبوتي
لاوالصورك والخالق الكون
لخلي اعلوك تنشد ابعروتي
بخيت اوماسئت لانسان فد يوم
فقير اولله يستاجب دعوتي
الاهي ابجاه كلمن عنده الك جاه
شكيتك حالتي وتسمع شكوتي
يوسف مره وحده اخوانه ذبوه
وانه اشمااطلع ذبوني اخوتي
انوكلت تمرتي وركضيت فحطان
صكر حسبالي من طكت جزوتي
لكيته اغراب اسود كاتله الجوع
خبيث اشكد نغط وتمنه موتي
صبرت اوكابرت مانزلت راس
الم روحي جرح وحظن بلوتي
منو الكلكم كمركم بلعته الحوت
موهذا انه فوكك وين حوتي
انام اشلون خاف اعيوني تنباك
جنت ناطور ونباكت ثروتي
حنيني اوذكرياتي اوعمري الفات
قلمي اورقتي اوحزني اوسلوتي
القصيده العاشت اوياي المعانات
اوبلعت حصرتي اوشربت سكوتي
تاخذهن تردهن ذني سهلات
صارن مزتي اوكاسي اونشوتي
صحيح انته بكت من عندي شتريد
لاكن ماكدرت اتبوك صوتي
للشاعر حسين الشميساوي مع تحياتي