المشاركة الأصلية كتبت بواسطة شاعر بلا اوراق
توك جيت ؟؟؟
هواي اتاخرت والعمر سافر خوف
ماتدري شكثر تانيت ؟
مخلص انه لعيونك
وابد لتكول ماوفيت
توك جيت ؟؟؟
من غطه الثلج راسي
ومن طاحت دمعتي وبسمك
اتنخيت ؟
اشو ما اجيت ؟
غلصت العمر عطشان
ومنك ياترف مرويت
وتوك جيت ؟
من سافر عمرنه وراح وي الريح
ومن طاحت دمعتي
الجانت ابد متطيح !
لمن ضاع عمري ببابك من سنين
من هفتت شمعتي
وابد ما ضويت
من مديت روحي لخاطرك معبار
من لاويت وكتي
وانت ما لا ويت
من سويتلك روحي من الشعر ديوان
وتانيتك حبيبي وكلشي ما سويت !
من خطيت اسمك ع الزند نيشان؟
من كتلك احبك وانت ما رديت ؟
من كتلك تعال الروح تربي عليك
من تانيت جيتك وانت شو ماجيت
بربيع ايامنه وما يهزك شوك
ومن طاح بخريفه العمر
هسا اجيت ؟؟؟