حب00000000 وندامة؟00000

[ام افنان]

Cحبيتك صدك معقوله ما حسّيت

وآنه الجنت اظنّك تدري وتحبني

طلع كلبك اناني وبيه أني أنغرّيت

ما وفّه لمحَبتي وبالعجل ذبني

وحيد بلا حبيب ولا عشك ضلّيت

شجره بلايه ميّ ولا شمس جنّي

صلب مثل الجبل بالشدّة منهزّيت

بس بُعدك عليه بهالوكت هزني

حيّرني الزمان وبيك أنة أحتاريت

وجن بيك الزمن رايد يعذبني

نطرت محبّتَك والها شكثرتانيت

ولحظات العشك وياك ونستني

جنت اليّه الاهل انت وجنت لية البيت


وبس انت الجنت بالدنيا عاجبني

وجنت انت التذوّب قلبي لوعدّيت

وأطيحن لو عيونك مرّه تنظرني

جم مرّه الوكت يجرحني متأذيت

بس زعلك عليه الجان يألمني

بشر غيرك أبد بكليبي ماحطيّت

وكل واحد بعد بالدنيا ما همني

شجاك تغيّّّّّّّّّّرت وبروحي ماخلّيت

بس حسره ودمع وجروح أذتني

وشجاك تغيّرت صدكني ماظنيت

تنساني بسهوله وتبتعد عني

أشتريت محبّتك بالغالي كلّي شلون

فلس ونص محبتك هسه باعتني

يا ذنب الجنيته وكلي انة شسويت

حتى انت بعذابي لوحدي تتركني

قلبك هذا قلبك لو حجرسجيل

حالك والله والله صفنني

جنت آنه الحبيب الما يزيحة الكون

واحد هسّه زاحه شلون فهمني

تمشي كبالي تضحك منشرح وياه

ما عندك قصد كل قصدك تغثني

مو صوجك ابد لا بيه كل الصوج

قلبي بهالمواقف هوّه اليحطني

صح آنه انجرح بس الجرح استاذ

قاسي بشرحه لكن درسه علمني

تعلمت ابقى صادق بالعشك للدوم

ومنه اصنع تجارب خبره تكسبني

روح خطيه انت ولا تظن بيوم

تعرف شنهو حُب وتمشي متهنّي

ما تكدر تحب تايه تظل حيران

وقلبك ما يدك فد يوم صدكنّي

وما تعرف بعد محبوب مثلي تجيب منين

واذا واحد يصح لك مثلي عاتبني

سنين احبك تالي هذاالصار

طول المده وانت بحبي خادعني

آنه اتكنّسلت هذا الغشيم شلون

اذا ما عفته بعد اسبوع خابرني

للامانة الادبية القصيدة منقولة تحياتي

[ابو نرجس الحلي]

شكرا لاختيارك الجميل رائعه ......تحياتي

[عقيل كريم الشويلي]

الغالية أم افنان
أنتقاء أكثر من رائع
دمتي بهذا التألق وهذه الروعة
كلمات مميزة جداً
رائعة كما عهدتكِ
لاتحرمينا هذا الأبداع
تقبلي مروري وخالص تحياتي

[الشاعر محمد الحميداوي]

الرائعه ام افنان سلمت على هذا الكلام الجميل تقبلي مروري

[ام افنان]

اشكر الاخوة ابو نرجس والاستاذ عقيل والشاعر المبدع محمد لمروركم متصفحي دمتم بخير ولكم كل الود

[الشاعر يوسف الذهاب]

حبيتك سنين وتالي هذا الصار
طول المده ونته بحبي خادعني
انتقاء رائع

[ام افنان]

اشكر مرورك اخي يوسف دمت بالف خير

[جناتي]

شكرا للانتقاء الرائع مبدعة دائما ام افنان تقبلي تحياتي