راتب عضو البرلمان وميزانية العراق

[ابو كاطع]

بسم الله الرحمن الرحيم

ايام زمان كانو يقولون على الرجل الامين والذي لايتنازل عن كلمته
هذا كلمته جيك على البنك
اي شيك مصدق بحساب مظمون
ايام كان البنك العراقي فيه مبالغ \\\\\ خليه بعدين نرجعله
اليوم اطلعت على خبر مفاده ان
راتب عضو البرلمان العراقي

وأكدت المصادر أن راتب عضو مجلس النواب، هو تسعة ملايين دينار عراقي، أي ما يعادل 8 آلاف دولار أميركي، يضاف لها مخصصات 3 ملايين دينار عراقي أخرى، ليكون راتبه مساويا لراتب الوزير في الدولة العراقية.

\\\\\\\\\\\\

فراجعت نفسي واطلعت على ما كتبه الاستاذ الدكتور

د. هادي حسن عليوي

في

واقــــــــع العــــــراق الاقتصــــــادي والاجتماعي 1921 - 1958

يقول

فبالنسبة لتضخم النقد المتداول فقد اصيب العراق بتضخم نقدي خلال سنوات الحرب الست، وبفعل نفقات الحرب، التي احتاجتها القوات البريطانية والجيوش المتحالفة ارتفع موجود العراق النقدي من ستة ملايين دينار الى واحد واربعين مليونا اي نحو سبعة اضعاف ما ادى الى انخفاض كبير في سعر الدينار العراقي وادى بالتالي الى تضخم كبير. اما الوضع التجاري فقد كان لظروف الحرب، التي أفضت الى تقييد معاملات التحويل الخارجي أسوأ الاثر في شحة البضائع المستوردة وارتفاع اسعارها ولم يتحسن الوضع بعد الحرب بل واجه العراق صعوبات جمة حينما قررت الحكومة البريطانية وقف تحويل الباون الاسترليني الى الدولار الاميركي بالسعر الرسمي، فاصبح العجز للميزان التجاري العراقي (18,5) مليون دينار في سنة (1947- 1948) واستمر تعاظم العجز التجاري للاقتصاد الوطني حتى قيام ثورة 14 تموز 1958 بسبب ارتباط العراق بالمنطقة الاسترلينية اضافة الى ما تقدم

\\\\\\\\\\\\\\\\\\\\\\\\\\

ويقول

الاستاذ

المحامي: فائق جميل
اتذكر جيدا بأن ميزانية الدولة العراقية للسنة المالية 1953-1954 قد تحسنت كثيراحيث بلغت مليونين وخمسمائة الف دينارعراقي بعد أن ارتفعت حصة العراق من ايرادات النفط الى نصفها(50%)وقد حصل ذلك بعد اجراء مفاوضات شكلية بين شركات النفط العاملة في العراق – كان معظمها بريطانية – والحكومة العراقية اثر قيام (دكتور مصدق) عام 1952 – رئيس وزراء ايران آنذاك -- بتأميم النفط في البلاد وكانت قد اتخذت هذه الخطوة استباقا وتفاديا لما قد تحصل من المطالبة الشعبية بتأميم النفط اسوة بايران قد تصاحبها الاضطرابات السياسية والارتباك في الوضع العام تتجنبه الحكومة القائمة.
\\\\\\\\
زين هسه شراح يكولون على راتب البرلماني المحترم
اشكد اكو ناس ميته من الجوع وما لاكيه تاكل لكمة
تعيش في مزابل التاجي وكسرة وعطش وعلى مزابل علوة المخضر في السدية وجميلة
الا يكفي ما سرقتموه
التفتوا اشويه شعبكم
والله عيب عليكم
ما تحسون بشعبكم وما يعانيه
زين انتم ما تباوعون القنوات الفضائية
مو ديطلعون مصايب الله وبلاوي
عراقي شريف من اهل البصرة ما عنده افلوس يداوي اطفاله
والله عيب عليكم
اتقوا الله في شعبكم


هسه تدرون ليش اكتبت هاي الجملة في اول المقال

ايام كان البنك العراقي فيه مبالغ \\\\\ خليه بعدين نرجعله
ايام كان البنك فيه ارقام بسيطة جدا وكان العراقين الشرفاء يحترمون كلمتهم
مو انتم انطيتوا كلمة للي انتخبكم
راح وراح وراح
وراح انسوي الشط مرك والزور خواشيك
وينكم
لو مكاعد اتلحكون
الله لا \\\\\\

[ام فيصل]

كملهه ابو كاطع
الله لا يبارك فيكم من بشر ماترحم
وحوبة كل فقير انشالله تبين فيهم وهذا الي كاعدين ياخذونه مال ارامل وايتام
يعني كاعدين ياكلون ابطونهم نار لأنه مو من حقهم ياكلون وشعبهم جوعان

حسبي الله ونعم الوكيل والله الواحد يتكطع قلبه من يشوف المناظر عالفضائيات
ومرات اكول مستحيل هيجي صاروا العراقيين كأنهم من بنغلادش ولا كأنهم اهل الخير

حسبنا الله ونعم الوكيل راح نظل نكولهه على كلمن مايخاف الله بشعبه واهله

تحياتي عيوني

[الحــر]

حياك الله خوية الغالي ابو كاطع ,,,
حسبنا الله ونعم الوكيل
تدري بعد همة جايين يعوضوع الي فاتهم طبعاً..!
بس بروس من ياترى بروسنة احنة ولد الخايبة الي لا حول لنا ولا قوة لا بذاك الزمن ولا هذا الزمن
ثق يا خوية هذا صورة وحدة وواضحة للعيان البرلمان والبرلمانيين والحكومة شنو يسوون..!!
تدري يا يالغالي اني عملت في مكان وفيه شركة امنية اهلية تابعة لاحد الاحزاب الدينية المتنفذة في الحكومة .!!
ثق بالله والله يشهد تدري كم راتب ياخذ المنتمي لهم ..؟؟؟
الله شاهد ياخذ الشخص الواحد منهم خمس رواتب هذا الي عرفته عن بعض منهم واكدوه لية ولمسته بأم العين وسمع الاذن ..!!
اما يمكن اكو غيرهم يستلمون اكثر من خمس رواتب الله اعلم بعد ..!

والرواتب هي طبعا منظمة جدا وعلى الشكل الاتي ::

اولا //من الحزب الذي ينتمون له كذا مبلغ .!

ثانيا //راتب اخر مخصص لهم لانهم كانوا في الخارج يعني حقهم الي فاتهم .!

ثالثاً//راتب التقاعد عن الخدمة العسكرية التي قضوها في الخارج والي صاروا كلهم هسة بالدمج ما مخلص ابتدائي شدو له رتبت رائد و نقيب ..!!!

رابعاً //راتب مخصص من الشركة الامنية التي يعملون بها هم كذا مبلغ .!

خامساً //راتب من الرعاية الاجتماعية وهذا اقلهم 150 الف دينار فقط ..!!!!!!!!!!!!
وذلك لانهم ليس لديهم وضيفة حكومية مقرر يعني المساكين عطالين بطالين الله يساعدهم ..!!!

وهذا اضافة جديدة لاحصائيتك يااخونا الغالي يا ابو كاطع ,,,
خليها سكتة ترى وربك خايسة من جوى

لك مني كل الشكر والتقدير

مع تحياتي الك ابو كاطع


قرأت في احد الجدران في الشوارع كلمه ربما قد تكون حكمه او شي اخر الله اعلم

( يدمرون ما عمرهُ الاشرار )

وقرأت


( حاميه حراميه )



كم فقير يموت يومياً

وكم كرش يكبر يومياً


ولكن اموالهم حطب لهم في نار جهنم

[محمد السوداني]

اني بس لو اعرف هذا الي ديصير بنفس البلد الي حكم على منتظر الزيدي بالسجن ثلاث سنوات !!!! لعد القانون وينه حاد اسنونه بس على ولد الملحه
العدالة وينها اليس هذا من حقوق الشعب العراقي المظلوم اليست هذه الرواتب هي من خيرات هذا البلد .....لا حوله ولا قوته الا بالله
الف شكر اخي العزيز ابو كاطع وعاشت الايادي للمواضيع الي تنخر بالعظم
تقبل تحياتي

[الياسري]

الذي استغربه في تلك الايام كانت هناك تفجيرات وقتل وظلم لكافة الشعب وتجدهم يتناقشون من اجل رواتبهم والامر المحير اذا كان الراتب بهذا المبلغ الكبير لايمنع مال الحرام من دخول اجسامهم فماذا الذي سوف يمنعهم
حسبنا الله ونعم الوكيل

[اهل العراق]

اللة يصلهم تحياتي على الموضوع

شو هية صايرة صدك كولت الزير سالم حاميها حراميها

اخوك اهل العراق