ماااااااااحبك بعد كرار المعذب

مااحبك بعد

بعد ماكول احبك انساني من اليوم
انساني اكلك وانسه البينك وبيني

وارد ابدل دربي وماامر منا
عنك وجهي اديرة لمن تلاكيني

مااحبك بعد لو بيدك يصير دواي
لوميت اني وانته تحييني

ومااحبك بعد ومااريد اشوفك يوم
ابعد ماشوف وجهك لاتراوييني

تيزاب احط بعيوني وانسه كل النوم
اخاف ابيوم بنامي اذكر تجيني

واذا مريت وشافتك هاي العيون
صدك اكصهه لوشافتك عيني

واذا الناس اسئلت هم انته حبيت
شكل للناس انباكت اسنيني

لواكلهم لاوالله اني حبيت
بس للاسف حط بالكلب سجيني

وذا كالو حبك بالكلب لو بالشرايين
صدك اسم الكلب وكطع كل شراييني

واذا جفي صافحك يوم من الايام
وك صدك اكصهن ايساري ويميني

وذا انته نور اضوي دوم بليل
ابضلمه ابقى كل عمري خليني

جنت عطشان انته واجيت ارويك
وكتلي مروتك من شفافك ارويني

عصرت شفافي وذبلتهه عليك
وانه الماقصرت وياك تدريني

ومن اني اعطشت انته بيدك ماي
ادفعت اديه من مديت الك جفيني

وك ابد ماغزرت وياك كل ذيج الايام
بالمي تحط سمك رايد تنهيني

وانه كل العمر جبته الك افراح
وتجرح بيه انته ورايد تبجيني

بعينك تشوف واني بيه النار
وتذب نفطك عليه وماتطفيني

وصرت قاسي بكلامك حيل وياي
وتذب حجيك عليه وحيل تاذيني

وصرت سلعه بيديك شوكت متريد
للغريب اتبيع وترد تشريني

وعفتني بصحرا وجتفتني هناك
وعمر ضليت بالصحرا ناسيني

وانه الضيعت كل العمر وياك
وعلمودك ضيعت كل تعبي وسنيني

مااحبك بعد صدكني للموت
عدو تبقى شماردت ترضيني
عدو تبقى شماردت ترضيني

بقلم الشاااااعر

كرار المعذب

[سلام الدراجي]

كرار قصيده رائعه بارك الله بيك اخي العزيز ودمت بخير

[محتاره]

صح لسانك يا شاعرنا المبدع

كلمات اكثر من راااائعه

بأنتظار جديدك

مودتىى

[ام فيصل]

مااحبك بعد لو بيدك يصير دواي
لوميت اني وانته تحييني

ومااحبك بعد ومااريد اشوفك يوم
ابعد ماشوف وجهك لاتراوييني

احسنت ياكرار
تمرد وألم تخلل السطور
فراق بعد حب
كلمات نثرت بإحساس حزين

شكرا لك واكثر ---------- ودام لنا جود مدادك

تحياتي لك

[حيدر القريشي]

قصيده في غايه الروعه
سلمت اناملك اخي العزيز كرار
ولك مني ارق التحايا

[الشيخ ابوحيدر]

الله روعه هذا الابداع سلمت الايادي
لاحرمنا هذه النفس دام
التالق