اخاف تمر عليك جنازتي

[عاشق عيونك]

ماناسيك انا ولا نكرت اهواك
لكن مبتعد من صالحك اني




ما اريدن اكونن سبب تعبك دوم
وما رايد تظل بأحزان وتعاني



لو كلفت تكره حتى اسمي بيوم
وبعيونك اصيرن مجرم وجاني



لان ماريد يوم الكَاك مهموم
ولا اقبل تظل موجوع وتاني



راح ابتعد عنك مو لان انساك
شينسي الكَلب يل صرت عنواني



تدريني احبك مدمن انا عليك
وانت اغله الحبايب واغله خلاني



اغله من الكَرايب واغله هاي الناس
وانا بعدك حبيبي امسيت وحداني



راح ابتعد وعمي العين من فركَاك
اخاف اتحب بعدكم تشهد اجفاني



وحكَ عينك عزيزه ادموع هاي العين
ولون تدري القرار اشكثر اذاني



وما ابجي جذب بفراكَ كلمن جان
بس بعدك حبيبي دموم بجاني



مثل بيت وبعادك هدلي الاركان
شلع ساسي شلع مارحم حيطاني



واخاف تمر عليك اجنازتي بفد يوم
اريدك يا حبيبي اتصير دفاني



اكتب فوكَ كبري ابدمع من العين
ماعاشر حبيبي وخاني ابثاني


تحياتي

[الشاعر ماجد الدعمي]

حبيبي الغالي عاشق عيونك الله يبعد يوم جنازتك يارب
وشكرا للكلمات الرائعه والبوح الجميل

[عاشق عيونك]

حبيب قلبي الله يطول بعمرك يلغالي ماجد الشاعر شكرا لك



تحياتي

[ام فيصل]

صياغة جميلة

واحاسيس حب وحنين

شكرا لك ياعاشق

أنات حزن غمرت كلماتك

اختيار موفق -- تحياتي وتقديري

[سلام الدراجي]

بعد عمرا طويل ان شاء الله يلعاشق عمي والله شاعر ونص تعابير حلوه وبارك الله بك

[عاشق عيونك]

ام فيصل الغالية
شكرا ع المرور الرائع