احس روحي
غريبه وجنهه مو روحي !!
واحس روحي
عدوي ويلجم جروحي !
شفتهه بعيده حد الشوف
وعافت شكله بجنوحي
تكرب اني اصير بعيد
اكرب هي عني تروح
تجمعنه الصدف ونتلاكه
جنه اغراب !!
ويطفح شوك بيه
وماتشبكه الروح !!
وارد وحدي غريب
وجم جرح مجروح !!
الم جرحي بجفوفي
وماتلمه جفوف
واتماده اعله صبري
الزوكاه الخوف !
واعاين ع الجروح
الما تريد اتطيب
شداوي شتطيب
ما يفيد الروف
وارد اردود ادوّر
روحي صارت وين ؟
خذتهه وياك
ونياشين الي بيهه جروح
والدمع لاجلك ياترف
مسموح !!
واكول شلون
هم يرجع وكت واتلاكه
وي روحي !!
وارجعهه لصدري
واطبك عليهه ضلوعي
حتى ارتاح
تحيات ماجد الشاعر 11/1/2008