جروف الامل

[الشاعر ماجد الدعمي]

تنيتك طيف غافي اباب وجه الليل
ومحمل سوالف ياما الك مشتاك
جا وينك ....
مو ذبلن عيوني بكثر ما اصد ليك !
وتغيب الفرحه بعيوني
واظل تانيك ...
واتمايز ضحكتك واشبك ضنوني
وتلمني الاه ..
واخلص عمري بجم اه ؟!
تسافر روحي جنهه الموت
وين تريد ؟
اغركت اني بدمعتي وانت صوتك وين ؟
مليت انتظر واغفه اعله باب الاه .
ويالمبعد تعال ..
وشوفني بياحال ...
غركان بودادك وانت جيتك طيف ..
ومامريت ؟
وشكثر غنيت بسمك وانت ماغنيت
تعبت السهر وياااي
وسهرت النجوم وياااي
ناطر جيتك كلاده اعله باب الجيد
وناطر شوفتك غنوه واكلك عود ؟
جا .... وينك ؟؟
يخايب عود !
على جروف الامل ظل الكلب مشتول
وكل ساعه ويهزه الروج !
ومتانيك ... تنشف يادمع ماظل دمع بالعين
وتشبك ياحضن ... سليت وانت بعيد !!
وتانيتك تجي ...
واذبح حزني بدربك واشمك حيل
شسولفلك ؟ بجيت هواي وانت بعيد
ونطرتك ماي وانه العطشان لعيونك
واكول تعود ...
واصبر كلبي بالسكته واظل تانيك
جا ... وينك
موحتى الصبر سافر مشه وياك
وانه بلا صبر وعيوني تترجاك
بسك عود

ماجد الشاعر
4 / 6 / 2009

[ام فيصل]

تمنـــي ورقـــّة ٌ في الكلمات

وحبٌ وشــوق ضاعت خطاه

عزيزي مـــاجد

لانملــك الا ان نستسلم للظروف وللقدر
فالحــال لايبقى على وتيرة واحدة دائما
راائع ستبقى بجميل احساسك في نقل المشاعر
فالإبداع كان ولا يزال ميزتك -------- سلم لنا حبر مدادك حينما يسترسل
ولك مني كل الود والتقدير

[حيدر القريشي]

شكرا لك اخي العزيز
ماجد الشاعر
كلمات في غايه الروعه يا رائع
دام لنا هذا التالق والابداع
مع ارق التحايا

[أنثى شرقية]

الابداع وجد بقلمك المميز ابوي ماجد عاشت اناملك وقصيده رائعه ابكتني من شده الم كلماتها ابكتني كثيرا

عاشت اناملك ودام نبضك ودام قلمك المميز والمشرق دوما

دمت بالف خير وعافيه
تحياتي لك

[أنثى شرقية]

عاشت اناملك ابو الغالي ربي يحفك دوم ويدوم نبضك وقلمك ويجعلك بخير بابا ماجد

[الشاعر ماجد الدعمي]

تحياتي لشخصك الكريم
سيدتي ام فيصل ولتواجدك
الكريم الذي ينير متصفحي دائما
شكرا لك ودمتي بخير
********
******
*****
****
***
**
*

[الشاعر ماجد الدعمي]

حبيبي الغالي حيدر القريشي
شكرا لتواجدك هنا نورت
الموضوع وممنون منك جدا
حبيبي الغالي

[الشاعر ماجد الدعمي]

اينتي احلام الغاليه
الابداع هو تواصلكم وردودكم
الغاليه
بس لو ادري القصيده تبجيج
ماجان نزلتهه
تحياااتي لك