يـبـني عـبد الله شـاهده ـحالي بـيا ذنـب مـذبوح والـمهد خـالي
عـبد الله يـبني گوم واسـمع عتبي مـظلمه الـدنيه ومـا اوچّد دربـي
مـن شـفت مهدك خالي صوب گلبي ظهري انحنه وعيني اعله مهدك تربي
گلـبي صـاح بـصوت فاجده الغالي بـيا ذنـب مـذبوح والـمهد خـالي
ابـليل الـمصيبه امدوهنه وسهرانه والگلـب مـا يـخمد جـمرنيرانه
ضـنـيت تـرجع لـلمدينه ويـانه مــا ادري ابگه ابـكربله حـيرانه
يـبني يـا مـصيوب خـابت آمالي بـيا ذنـب مـذبوح والـمهد خـالي
يـا غـصن عمري ويا ربيع المهموم ويـا طـير سعدي البلأمل چان يحوم
چاوبـني لـيش امغسَّل ابفيض دموم ومـن گبـل مـيعاد الفطامه مفطوم
مـهجتي اتـناغيك والـدمع هـالي بـيا ذنـب مـذبوح والـمهد خـالي
يـا شـغف گلـبي ويا ملاحة عمري ويـا نسمة الريح اللي تشرح صدري
تـنذبح يـا عـبد الله ما چنت ادري مـن گبل نحرك ريت گطعوا نحري
ولا اشـوف الـيوم جـسمك گبـالي بـيا ذنـب مـذبوح والـمهد خـالي
يـا دمـعة الـمحبوسة بـعيون امك وسـدت گلـبي اعـله الترايب يمك
والـروح صـارت مهد يبني لجسمك چبــدي يـهزك والـدليل ايـشمك
يــا امـل روحـي وثـمر دلالـي بـيا ذنـب مـذبوح والـمهد خـالي
آنــه الـرباب وعـالمهد مـحنيه ونـار الـحزن تـنطفي وتسعر بيه
ومـن شـفت جـثتك يا طفل مرميه اهـجس تـهدَّم ركـن بـيتي عـليه
يـبني يـا عـامود بـيتي الـعالي بـيا ذنـب مـذبوح والـمهد خـالي
يـا كـاسر الـصيف الـلذي ايفييلي عگبـك مـرار الـدهر هـدّم حيلي
مـتـحيره وچف الأجـل يـوميلي ومـا مـيّز انـهاري بـعد من ليلي
ابـغـيبتك يـبني غـايب هـلالي بـيا ذنـب مـذبوح والـمهد خـالي
جزاك الله خير الجزاء
وانالنا واياكم شفاعة الرضيع
يوم الورود