قصيدة رحت بس من رحت للشاعر عبد الكريم محمد الخشالي

رحت بس ما ودعتني

رحت بس من رحت ما ودعتني
ليش العشره عندك هيجي اتهون
جا كلبك دكلي اشلون خلاك
ابد ما ذكرك ما كلك اشلون
مو انه ولك تدريني اهواك
ويوم الما اشوفك تعمى العيون
متعود اشوفك احجي وياك
طفل ومعاشر امه وبيها مفتون
مو انه اشوفك ولك دنياي
وحس بروحي بيك بكبر هالكون
تفاركني وتروح بغير اسباب
ابد ما راودتني اوياك ال اظنون
لان جنت انه احسك الى عنوان
وبعيونك اشوفن حلمي مدفون
سكنت ابروحي انت ونمت بحشاي
ولو اكدر اظمك بين الجفون
يا ليل الفرح ومشابك انفاس
انه بلياك عاقل صار مجنون
اشلون اتروح مني وانه اهواك
يمئسر كليبي عندك اسنين
ذبحت الورده انت ابروحتك هاي
طاحت من غصنه جوه للطين
سجينة غدر بكليبي خليت
احس بطعنتك تاخذني للبين
ياليل الهجر يمزود الاه
ولك مالي صبر موتني هالحين
شلي بعمري بعد والهجر كتال
ملح فوك الجرح ومنزف اونين
يا وسفه الغدر شيمه الك صار
وانت العاهدتني ابد متخون

[سمير الكرماني]

تسلم اخي على الكلمات الجميله وننتظر منكم المزيد
تحياتي

السلام عليكم

الوفه راح وي اهلنه وطيبة الناس
امس بالوادي شفته اهناك مدفون
اوكفت يمه وبجيت وصبت ادموع
رحت حسبالي ازوره اصبحت مدفون
سالته شبيك ليش هنايه ظليت
كلي من البجي ماظلت عيون
اجيت وعقلي عندي اصبحت مجنون