بحب أمي
شئ جميل بيسري ف دمي
بحب أمي
شئ لذيذ بيحبه قلبي
خلاني أبوسها
وف نومي أشوفها وأنا بغني
بحب أمي
كلام جميل يعيشه قلبي متهني
بحب أمي
أصل صعب عليا ماقولشي أمي
بحب أمي
ماهو مين يعيش وينعم من غير أمي
بحبك يا أمي
علشان حنانها وطيب خاطرها دايما متهني
بحبك يا أمي
ولأني عايش دايما ف خيرها علي طول بصلي
بحبك يا أمي
حامد ربنا علي قلب جميل بيشيل همي
بحبك يا أمي
تسع شهور حمل ثقيل وتقولي سعيدة دا إبني
بحبك يا أمي
علي الحلوة كبرت معاكي وكنت سعادتي وكل حياتي
بحبك يا أمي
علي المرة آهاتي وأقول يانجاتي ألاقي قلبك سر نجاتي
بحبك يا أمي
تعيشي ياقلبي ياحبي الغالي دايما طيفك نبض حياتي ...
بحبك يا أمي
وهذا الرابط إهداء مني لكل أم جميلة بالعالم كله
ولكل أم جميلة بالفرات الجميل
ولكل من يحب أمه عن صدق ويقين
ويعي أنها مدرسة لو أعددتها أعددت شعبا
طيب الأعراف
تحيتـــــي لأمــــــي الغاليــــــة
رحمهــا اللـــه
بقلمــــــــــــــي
إهداء علي روح أمي في ذكري وفاتها