انت الشمس "foraten.net/?foraten.net/?foraten.net/?foraten.net/? الشويلي"

[الشاعر احمد الشويلي]

بسم الله الرحمن الرحيم
السلام عليكم
في هذه الأيام الرمضانية تتهافت علينا المناسبات الدينية واحدة تلو الاخرى واليوم الخامس عشر من شهر رمضان الفرحة الأخيرة في هذا الشهر فرحة مولد اول السبطين ابن امير المؤمنين شقيق الحسين الحسن المجتبى "عليهم افضل الصلوات والسلام".


بيكم ماسكت فد يوم حسنة /صوتنة
وجمال الدين منكم اجه وحسنة /جمالة
ميلادك فرح صفكة حسنة /الحسن
يبن حيدر علي حامي الحميه

الحسن "ع" من انولد ضحكة الجنة
واجت يم فاطمة"ع" تهني السدرة
سيد الجنه الحسن"ع" شبل الامير "ع"
الحسن"ع" دين الاسلام بكبرة
والله يوم انولدت جبريل"ع" صاح
اليوم اجه ثاني شمس بالعترة
ياملائكة الله خروا ساجدين
هذا مثل ادم"ع" بدينة وقدرة
اذا مريم"ع" عذرة وجابت مسيح"ع"
ابو الحسن"ع" الدين وامه الزهرة"ع"

حبكم بالكلب مزروع زهرة /الورد
واذا بيه موت كلنه نحب زهرة /سم الزهر
الحسن حيدر"ع" ابوه والدته زهرة "ع"
طلع مثل الكمر شبل الزجيه


انت الشمس
وكت الفجر لمن تطل
حتى شمسنة تنطمر
وانت كمر بس مو كمر
بالمسة ماشفنة مسة
ثاري غروبك هم فجر
وانت بحر واجمل بحر
بيك العلم كله غرك
وانمسحت بحور الشعر
بيك الفخر انت علم
انت المجد بيك النصر
وبمولدك ياسيدي
طاح الكفر
جدك ابراهيم
انتصر
طيح صنم بس بالكسر
وانت لمن جيت الصنم
بالكاع طك روحة انتحر
موسى امس عصاته اجت
فرعون فازت عالسحر
وانت امامي بمولدك
ابليس شخصيا خسر
كال انتظر يارب الي
وكال الاله انه انتظر
ابليس كال اله ادمر كل عبد
وكل من خلقته ينصهر
بس من بزغ نور الحسن
ابليس مات من القهر
دربك حسن كله ورد
والحبكم وان ما يهد
جنات الة
والما يحبك لو سجد
ولو كعد
كبل المناير للصلاة
باجر جهنم منزلة
مولاي الك مني عهد
شيعي انه ما اخلف وعد
اعشكك حد اخر نفس
يا ابن زهرة الفاضلة
مولاي كل مايع جمد
وحتى الهوة العاصف رجد
في مولدك من فرحته
وحتى العوالي انحنت ظلت مايلة
هذا الحسن ابن الاسد
يعني الحسن اقوى فهد
وسكن بالجنة حسن
اي بيت زهرة منزلة
المجتبى من انولد
الجنة جانتله مهد
لولاله جبريل الوحي
لان اهله اشرف عائلة
جفة سمة وسيفة رعد
والقوته ماشفنه حد
والكرم كله عد حسن
مايرد خالي سائلة
السمة رافعهة الصمد
رافعهة ربي بلا عمد
لاجن السبعة الواكفة
سبعت ائمة مهولة
والجنة ثامنهم تعد
منهم شمس منهم كمر منهم بلد
للعلم صادقنة دول
منزلته اعظم منزلة
حيدرنة منهم مايعد
لان حيدر شوكت انوجد؟
من كبل ما ادم يجي
الكون حيدر والنجوم و مجراته الكاملة

احبكم ماتعبتوني ولانهار /انهيار
ومحبتكم بحر واسع والانهار/انهار
سبطين النبي اليالينه والانهار/النهار
الشمس بيهم تطل صبح ومسيه

[ام علاوي]

والله وصح لسانك اخي foraten.net/?foraten.net/?foraten.net/?foraten.net/?
بوركت عالابداع المتواصل
ويستاهل سيد شباب الجنه
تحياتي

[امير الاحزان:]

انت الشمس
وكت الفجر لمن تطل
حتى شمسنة تنطمر
وانت كمر بس مو كمر
بالمسة ماشفنة مسة
ثاري غروبك هم فجر
وانت بحر واجمل بحر
بيك العلم كله غرك
وانمسحت بحور الشعر
بيك الفخر انت علم
انت المجد بيك النصر
وبمولدك ياسيدي
طاح الكفر
جدك ابراهيم
انتصر
......................
احترت اخي ما الذي اقتبسه من ابيات
من هذه القصيدة الرائعة بحق سيد شباب الجنة
رضوان الله وسلامه علية
تحياتي الك
بوركت..لا حرمنا طلتك الواعده

[الشاعر احمد الشويلي]

السلام عليكم
شكرا لكم احبائي على مروركم بموصوعي المتواصع
ولكن عندي عتب على الاعضاء الذي شاهدوا هذا الموضوع ولم يضعوا ردودهم عليه لماذا ياترى
فمثلا لو كانت قصيدة بالغزل فهل ياترى كان قد حدث مثل الذي تراه عيناي ولاتصدقه
اخواني احبائي لاتفهموني غلط انا لاتهمني الردود ولاكنها للحسن ابن علي "ع"وليست لأحد غيره
وشكرا من جديد ام علاوي_امير الاحزان