شجاهه الناس ؟
وشنو الغيراهه الناس ؟
وي هبة الريح تميل
دمعه بعين فاجد كل دقيقه اسيل
ودرب الي مشيته وياك
حيل طويل ..
وكلام الي حجيته وياك
ماله مثيل
وتمنيتك شمس تفضح ظلام الليل
وتمنيتك تجي وماطولت من جيت
عينك صوب لي وعين
تنوي أرحيل
وشجاهه الناس
دنيه مسودنه والناس وين تريد
وزمن متعود عليه
شكثر بي يعيل
ودرب الهجر ياما
اخذني وياه
ولاتهزه دمعتي العل خدود
تسيل
وشجاهه الناس
ادك بيبان صبري
وماتفتحه الناس
واظن بس بالفواتح يذكرون الياس
وشجاهه الناس
ومنهم اكطعيت الياس
وارد مجنون شايل صوت
وبصدري شكثر وهواس
شكثر سوالف بصدري
وسؤال محير ضنوني
يصيح بروحي كل لحظه
شجاهه الناس
وليش يبيعك الشاريه ؟؟
ويسد بابه التكصده
وجن مايعرف اسمك ؟
وعلى بابك اخط جلمه
اخطهه بدمعة عيوني
واليسأل جواب يريد
شجاهه الناس
وشنو الغيراهه الناس
*****
ماجد الشاعر يبلغكم التحيه
26 نيسان 2009