شجاهه الناس .....؟

[الشاعر ماجد الدعمي]

شجاهه الناس ؟
وشنو الغيراهه الناس ؟
وي هبة الريح تميل
دمعه بعين فاجد كل دقيقه اسيل
ودرب الي مشيته وياك
حيل طويل ..
وكلام الي حجيته وياك
ماله مثيل
وتمنيتك شمس تفضح ظلام الليل
وتمنيتك تجي وماطولت من جيت
عينك صوب لي وعين
تنوي أرحيل
وشجاهه الناس
دنيه مسودنه والناس وين تريد
وزمن متعود عليه
شكثر بي يعيل
ودرب الهجر ياما
اخذني وياه
ولاتهزه دمعتي العل خدود
تسيل
وشجاهه الناس
ادك بيبان صبري
وماتفتحه الناس
واظن بس بالفواتح يذكرون الياس
وشجاهه الناس
ومنهم اكطعيت الياس
وارد مجنون شايل صوت
وبصدري شكثر وهواس
شكثر سوالف بصدري
وسؤال محير ضنوني
يصيح بروحي كل لحظه
شجاهه الناس
وليش يبيعك الشاريه ؟؟
ويسد بابه التكصده
وجن مايعرف اسمك ؟
وعلى بابك اخط جلمه
اخطهه بدمعة عيوني
واليسأل جواب يريد
شجاهه الناس
وشنو الغيراهه الناس
*****

ماجد الشاعر يبلغكم التحيه
26 نيسان 2009

[مصطفى المالكي]

ما جد الشاعر

طبع بينه والوفة ونتسامح وية الناس
لون همه بقصد بالجلمة جرحونة
ولان مثل الشجر مثمر طبعنه ايصير
نتساقط ثمر لو همه يرمونه
يل طبعك سمة خل عينك اعلة الكاع
لان يعثر ياهو الشابح للسمة اعيونة

اخي العزيز تقبل مني هذه الكلمات كمجارات لما قدمت
تحياتي

العراقي

[الشاعر ماجد الدعمي]

والله والنعم منك مصطفى الحبيب
وشكرا للمرور
وممنون جدا للابيات الرائعه
تحياااتي لك
عزيزي

[ام فيصل]

يــــامـاجـــــد
خلهه الناس --- والمــا يعــرف قــدرك خســران
عاشــت ايدك عزيزي
لن اعلق اكثر --- لأنك تعلم جيــدا من هو مــــاجد الشاعر عندي
فالإحساس عندما يصلني من جمال الكلمــات
اعجـــز عـن الــرد --- لأني لن أجاريـــك بالـــرد
ستبقى --- وسيبقى مدادك يرسم وبالكلمات يلون روعة المـــاجد
دمت لنا بألف خير

[أنثى شرقية]

شجاها الناسْ؟

شجاها الناسْ؟

أي شي ما إلي ويا الناسْ

شجاها الناس؟

الله عليك ابوي الغالي

فعلاا قصيده واقعيه

كلماتك غايه في الروعه ..

فشكري لك ولأناملك الذهبية

مع فائق مودتي وأعتزازي...

[الشاعر ماجد الدعمي]

شكرا ام فيصل
وتحياتي لك سيدتي الغاليه
ودائما لمرورك طعمه الخاص
ممنون منك
وجزاك الله خيرا

[الشاعر ماجد الدعمي]

بابا احلام
تحياتي لك وشكرا لمرورك الكريم
الذي يضيف للموضوع
نكهة خاصه
تحياتي ودعواتي

[سهر]