ابوذيات لبعض الشعراء

[Alghareeb]

عدنا بمجموعة من الابوذيات مع اسم الشاعر الذي نظمها
ارجو ان تنال رضاكم

يالك مرعة بدليلي وانتة رامه
اهو رامك يناهي وانته رامه
هيه الله نتكابل وانته رامه
بحجر والفشختين تطيح بيه
عبود غفلة
ـــــــــــــــ
شبه غيم الكدر همي ترادم
بجيت وصب دمع عيني ترادم
مني تعلم الونه ترادم
وكبل ادم ونيني نكتب ليه
ابو ميعشي
ــــــــــــــــ
ابجليب اظلم تذب برشاك ودلاك
ولا هملك صديج ارشدك ودلاك
مو كلمن توده صار ودلاك
بكلبه ولا صفتله وياك نية
زاير الدويجي
ـــــــــــــــ
احبابي واعز من صحتي صحتهم
جفوني ولا ضمايرهم صحتهم
باديه اعمت وبلساني صحتهم
اسمعوا شافوا ولا فزعوا اليه
جواد الجياشي
ـــــــــــــــ
تركني بغير ما بين ميالي
وعلهيه صار ما يوسع ميالي
طحت ويشوفني صحته ميالي
ومنع كلمن طلع فزاع اليه
عريان السيد خلف
ـــــــــــــــ
جثيرة هموم كلبي من عداهه
وسكم حالي وجبدتي من عداهه
مرة اثنين احملك من عداهه
تلكاني بصحن حامي الحمية
ابراهيم ابو شبع
ــــــــــــــــ
يروحي للكتم سرج وحيله
وشطارة ما بكت عندي وحيله
الدهر لملم ثكل حملة وحيله
وذباهن فرد ذبه عليه
راضي عبد الحماسي

مع تحياتي
ألغريب

[انين الذكريات]

عااااااااااااااااااااشت ايدك غريب روعة وربي الابوذيات تحياتي الك
تقبل مروري

للاسف لم اسمع باسماء الشعراء الذين ذكرتهم تقبل مروري وتحياتي

[Alghareeb]

للاسف لم اسمع باسماء الشعراء الذين ذكرتهم تقبل مروري وتحياتي

اولا شكرا على المرور وثانيا انا انصحكم ان تحاولوا ان تقرأوا من المووروث للشعر الشعبي العراقي لانه مورووث غني لانه مع الاسف ان يوجد عراقي واحد لا يعرف الشاعر الكبير جدا عريان السيد خلف او الشاعر الكبير مظفر النواب
ارجوا منكم ان تكونوا على علم بهولاء الشعراء
مع كل حبي واعتزازي الكبير لكم
الغريب