ابوذيات روعةابو سمرة

[y_n_d69]

الهــــجر يكتل يصاحب وانت داري

عليـــــك يخاف كلبي وانت داري

انـــت اهلي وعمامي وانت داري

انــــت امـــــــي وابـوي واخ اليه

ابشركم ابعد بالعين ضل ماي

وحس حته الصبح بجفاك ضلماي
زماني مرادف عله الروح ضلماي

سلب عقلي وشدهني وشد اديه

رمح جارح وكتنه خله بينه

ثبتنه وعيب بانت خله بينه
طبع احنه من ابونا خله بينه

نبيع ارواحنه ونحمي الخويه

الى اعز اناس الى قلبي ...

يهل روحك عله الطيبات تربه

وعله دربك تظل العين تربه
ياريت اكعد عله مصلاك تربه

وابوسك من تحط كصتك عليه

عسى بعيد كصير العمر ماطال

يامن وجهك بعد عالعين ماطال
ردي حظي وشخصك ابد ماطال

لون محظوظ كلك بين اديه

نبينة

اخذ درسك ..تعلم .. من نبينة
وشارت سادة صارت منة بينة
تهنة بوصفة احنة .. من نبينة

لان شمس وكمر طبكن سوية

بغـــــــــداد

أبد بغداد ما سقطته وانة"
ودمنة السحب نازفتة هوانة"
آنة مو آنة العراقيه وآنة"
الشلت مگوار والفالةعشية
تحياتي...

[امير الاحزان:]

الله الله الله
تسلم اخي
تحياتي الك ولبو سمره
بس لو اعرف معنى حروفك جان ارتاحيت؟؟
على الاقل اسميك باسمك يا(واي ان)
كلي شنو احنه صينيين؟؟ههههه
تحياتي اخي الغالي حبيت اجاملك

[سلام الدراجي]

اخي العزيز ابوذيات جميله شكرا لك

[شاعر غرام]

لايسعني سوى ان أقول ماأروع
ماجاد به قلمك من كلمات رائعه
تقبل تحياتي وأحتراماتي
الخالدي

[حيدر القريشي]

قمه في الروعه
سلمت الانامل على هذا الابداع
تقبل مروري المتواضع اخي العزيز
مع اطيب الامنيات