مامعذور
رحت عني بلايه وداع مامعذور
جفيت ولاكلت ولا خذت مني الشور
مامعذور
الكلب بركان بعدك كل دقيقه يثور
جنت وياك خبزه وعاشكه التنور
مامعذور
جنت كعبه وعليك اندور
بس كلنه نحبك شوصرت مغرور
مامعذور
عمت عين الكلب جي ماعرف يختار
وانصاد بجمالك صيدت العصفور
مامجبور
شيجبرك بعد ياخاطري المكسور
من كد الدمع ضلت عيوني تغور
امام وضل يجدي الدمع
من كلمن يجيه يزور
جنت قصور شبساعه صفيت كبور
مامعذور
ياكلشي انت ماكو وجنت حولك سور
حميتك من عليك النايبات تدور
شبساع اختفيت وغبت عني شهور
مامعذور
ومن شفتك اجيت اتبسمت النه ثغور
وهم اقبلنه جيتك جايبلنه زهور
ماادريك جايب كفن بي كافور
مامعذور
موصدام اول بالضلم الجور
كطعت كلوبنه وكيت منه نحور
مامعذور........ ياعاشور
ياعاشور روحي.... شكثر روحي تفور
يمته تصير عيد وتمحي اسم عاشور
مامعذور
طيور علغصنك شمرتنه الريح
شبي ينكسر غصنك من يشوف طيور
مامعذور
مامعذور كلمه وماتلمه سطووووور
واخذ كلمه اخيره بلايه لف ودور
لويطلع المهدي انت مامعذور
لو يطلع المهدي انت مامعذور
(( منقــــــــول ))
ارجو الإطلاع على هذا الرابط للأهمية
http://www.alforat.org/showthread.php?t=22548
رد مع اقتباس
