ابوذيات منقوله من موبايلي

اضل لاوين اسولف ضيم وحشاي

وعكبكم جنة الفردوس وحشاي

اذا حمزه انجتل بيدين وحشي

الف وحشي بهواكم صار اليه



الورانه يظل ورانــه ما يعـــدنه

وخسر كلمن بصحبه ما يعدنه

الجان الخبز عده ماي عدنه

باجر يغض من يطيه اميه





من مثلي يكلبي الليل ينطر

امكالب لمن فجر عليه ينطر

احس كل ساعه كلبي يريد ينطر

واحس كل ساعه ثوبي يوج عليه




امبلل ما يهمني المطر منصاب

ميت ما يهمني السهم منصاب

هدف وبساحة الميدان منصوب

ثابت يال تريد الطعن بيه




هذه الابوذيات عندي بالموبايل محاوره بين شعراء ويؤسفني لا أعرف اسماء الشعراء

فنقلتها لكم كتابياً

وان شاء الله تعجبكم

[ام فيصل]

الورانه يظل ورانــه ما يعـــدنه

وخسر كلمن بصحبه ما يعدنه

الجان الخبز عده ماي عدنه

باجر يغض من يطيه اميه

احسنت عزيزي
وعاشت ايدك على هذه الباقة الجميلة
دام لنا هذا العطاء
ولاحرمناك عزيزي

[الشايب العراقي]

ااااااااااااااااالله مشكور اخوي لنقلك هل ابوذيات اتمنالك الموقيه اررررب

[سلام الدراجي]

عمي والله تعجبنا وعلى راسي تسلم عيني ابو ليلى ابوذيات رائعه بوركت

اشكر تواجدكم في صفحتي المتواضعه

دمتم بخير

[أنثى شرقية]

من مثلي يكلبي الليل ينطر

امكالب لمن فجر عليه ينطر

احس كل ساعه كلبي يريد ينطر

واحس كل ساعه ثوبي يوج عليه


عاشت اناملك ابوذيات رائعه
تحياتي

[امير الاحزان:]

مشكور اخوية الزير
وعاشت ايدك على هذه الباقة الجميلة من الابوذيات
بس هذا ما طلع موبايل..طلع موسوعة ثقافية..
ربي يسعدك ويهنيك..ويبارك بعمرك

اشكر تواجدكم احبابي

منورين الموضوع

تحياتي لكم جميعا