اشعار كولشش حلوووة انشالله تعجبكم بعنوان تعبني الوكت

تعبني الوكت ...
وهنا اريد ارتاح ...
مهموم بغربتي وماشفت راحة ..
طير وريح ضدي ..
والزمن رماي ..
بس كلي شيطيره الكسروا جناحة
غركت ابحر مظلم ياهو للغركان
من نشر ة الموت يريد سباحه
سنين انا بغربتي والنتيجة هموم
واعاني الفرح عني وعمري ما لاحة
عاركني الوكت وخسرت عركة موت
ولا واحد وكفلي ...
وطلع سلاحة . ..
هلي بالغربة تجوي ولامحنة هناك
ولاصوت العتاب
يأثر صياحة
نحصد بالهموم
وناكل المحصول
خلص بينا العمر بس تعب الفلاحة
يهنا مضيعين وطحنا بين اجانب
يهنا خلافكم حسسينا بالذلة
تهنا وية الحزن والدرب حيل طويل
وبس القاسي كلبة هناك يندلة
هلي وبلكت مثلكم نلكة ناس هناك
لاجذاب كلمن يلكي مثل اهلة
انا هسة بكلب
بي جوية الفركة
هلي لامثلكم ابد ما الكة
خلوني ابوس اترابكم وابجي على عمري الفات
احس من الفراك روحي محتركة
وخلوني اشم طيبتكم وية الروح
واتنفس هواكم روحي مختنكة
هلي وياطيفكم باقي وية رمش العين
مزروع وية روحي وبالكلب عركة
ياثوب الصبر كل ساع اخيط بيه
صبح بخلافكم ياهو اليجي يشدة
وهلي نيران تنزل والعيون رماد
اظن حكة الكلب من يشتعل حكة
هلي تمنيتكم يمي وقريبين
واشم عطر الوفى ليلية بيكم
هلي والغربة صعبة وتهدم الحيل
كون اشتم هوى اليمر عليكم
انام وية الحزن واكعد انا وياه
واذكر جنت اغفى على ايديكم
وهلي ووسادتي بالغربة الهدوم
هلي وبس رسم امشي بطرك الهدوم
هلي والفرح ضاع ابين الايام
ما ادري الفرح الكاه يايوم
هلي وشلونكم
وشلون بغداد
شولن اصدقائي ولمة الدار
بعدة الليل يمكم لمة احباب
وبعدة الكمر يمة باقي خطار
بعدهن ذكرياتي وكتبي واقلامي
وبعد ذيج الرسايل تحمل احلامي
هلي وكل ذكرى يمكم تاكلوية الروح
واحس كل زغري هسة صار كدامي
غربنا الزمن بين المحطات
ولكينا الدمع واكف ينتظرنا
بعدنا زغار واكبر منا الهموم
وحزن بحزن جبناها وكبرنا
لابينا صبر لانحمل هموم
وعلى عمر المضة شينفع صبرنا
لا يازمن ارحم دمعة العين
وشوفنا الفرح باخر عمرنا

[ام فيصل]

عاشت ايدك وعاش هالإحساس

نزلت دمعتنه يازير

الغربة صعبة وهدت الحيل

والليل اشطوله علينه من يجي الليل


اللهم رد كل غريب الى وطنه سالما غانما يالله

الف شكر لك عزيزي

[هاشم نجم]

قصيده رائعه جدا يا زير
تحمل التعب والهم والعناء من الغربه والوكت
تحمل الحنين واللهفه للاهل والاصدقاء
عاشت ايدك وتقبل
مروري وتحياتي