الوكت خوان

[محمد السليطي]

باطل ياوكت ماعندك انصاف
عين بعين خليت الميازين
الفقير مدنك من العوز خجلان
وصار الصيت للعدهم ملايين
انه ايست من شفت الكطه يريد
يفرس صيدة الحر والشياهين
صحيح الصندل من الخشب مرغوب
بس يصير بحضون الجوانين
خليت الكديشه تسابج الخيل
والكحيله منعتها من الميادين
الاخرس والياشر صارله لسان
وخذه مكعاد بصدور الدواوين
التوصل كبل المهيعات للماي
عكرتها ولعبن اعليها السجاجين
اكلك هذا ذيل تكلي لاراس
منين جيبها هاي القوانين
لو عندك ضمير وعندك احساس
جا حطيت عينك ع المساكين
الوكت لو ردته عادل تدري شلون
اذا شفته يبز عين السلاطين
لاويت الوكت من كال الاويك
ولبسته بفشل شيلة نساوين
لو تمطر اسهام وتصعد الفيل
بس انخه علي يسويك نصين
ماهابك بعد وحسبلك احساب
لو تتفجر كبالي براكين
جهنم من يميني ظلت تخاف
جيه لطمت يميني اعله اسم الحسين


الشاعر الحاج نصير السليطي

[كبريــاء رجـل]

الله عليك اخي الغالي قصيده رائعه سلمت يداك تحياتي وننتظر المزيد من جواهر قلمك

[ام افنان]

قصيدة جدا جميلة صح الله لسانك اخي عل هل انتقاء الرائع

[شاطئ السلام]

قصيدة جميلة جدا صح لسانك
تقبل مني خالص احترامي وتقديري

[محمد السليطي]

اشكر كل اخواني واخواتي
الذين ردو على القصيده
لكم خالص حبي
وتقبلو تحياتي

[عادل المنصوري]

جميلة جدا قصيدة في غاية الاتقان

[asir]

قصیده جمیلة ومملوئه بالصور الشعریه تسلم

[حميدالشيباني]

تسلم وسلم ذوقك الشعري الجميل...تقبل مروري وودي