ابو ذيات حسينيه --ابو ذيات حسينيه -- شاكر الشمري

[الشاعر شاكر الشمري]

ابو ذيات حسينيه
**************
امور الدين ابو السجاد ...... حيهه
وصفه قبله وتريد الناس ..... حيهه
المنايه من اجته صاح ....... حيهه
ولاعيش المذله ويالدعيه
*******************************
امور الدين لولا حسين ..... راحات
وعلى جف المنايه يمد ..... راحات
ابو الاكبر لكه بالموت ...... راحات
لجل تبقه الرساله الforaten.net/?foraten.net/?foraten.net/?foraten.net/?يه
********************************
لسان زينب تخاطب الحسين ع
يظل كللبي وفي لشخصك ...... ولكبار
وعساني لا اظل بعدك ......... ولكبار
مصابك والكمر كبللك ......... ولكبار
ثلث نيران حيل اوجرن بيه
*********************************
يظل حبك يبو السجاد ...... مازال
وعن دربك ابد ماحيد ......مازال
اظل آنه عله ذكرك دوم ..... مازال
وسط هالروح يوجد نفس بيه
********************************
عجيبه بكربله زينب ....... سبوهه
ورعاع الشام ياوسفه ...... سبوهه
لون كرار حاضر هــــ سبوهه
حرالم اتفلهمت ارذال اميه
********************************
الى الحسين ع

شبيه السيل دمعي عليك ........ ونهار
ويجفني الماينام الليل ......... ونهار
عرش وسط الكللب ماطاح .... ونهار
الك مبني يبن سيد البريه
*********************************
سيف الهجر عالعالم ....... سليته
لجن شخصك ولا لحظه ....سليته
الك جفني دمع من دم ......سليته
اظل بذكرك ليوم المنيه
********************************
يظل دمعي عله ابو السجاد ...... يندار
ومثل شخصك محال يصير ..... يندار
صدك راسك يظل عالرمح ..... يندار
ويظل الجسد مرمي عله الوطيه
********************************
لسان زينب ع تخاطب حادي الضعن
يحادي الضعن بالله عليك ...... ودنه
عله احباب النودهم واهل ...... ودنه
صدك يمهم اعود اردود ...... ودنه
وشم تربانهم ذيج الزجيه
********************************
للحسين ع
عله مصابك جره دمعي ..... وسايل
وابد غيرك فلا عندي ....... وسايل
اذا منكر اجه يحاسب ...... وسايل
اصيح حسين وين انغر عليه
*******************************
فاطمه العليله لسان حالها
سلامي ويالهوى اللي هب ..... ودلهم
عله احباب اللتي بكللبي ....... ودلهم
عليه الليل لو جلجل .......... ودلهم
تشب نيران لهفه وشوك بيه
********************************
رمله تخاطب القاسم ع
انه بدمعي جفوف الايد ...... حنيت
ومثل حن النياك عليك ...... حنيت
ركد حيلي وعليك الظهر..... حنيت
صعب فركاك ياجاسم عليه
**********************************
جبال عليك هم الكللب ...... يبني
من اذكرك يمه ياجسام ..... يبني
زماني عله المصايب ليش ... يبني
رماني بالجبد هاي المسيه
*********************************
الزهراء ع تخاطب الحسين ع
مصايب بيك تجري ....... محنبيهه
واشوفن يمه ظهرك ...... محنبيهه
علينه ايام مرت ........ محنبيهه
لجن يومك اشد واصعب عليه
*********************************
لمسلم بن عقيل وابنته حميده
عليك الفخر مايخلص ....... حميده
شجاع ومن علي حيدر ...... حميده
رحت ياحيف بس ظلت ..... حميده
تربي عيونه ظلت خطيه
*********************************
العباس ع
اطب للجيش انه لوحدي ...... وكفي
الفرات بايدي اكللبنه ......... وكفي
لون عيني ترد هسه ....... وكفي
القنهم درس بالغاضريه
********************************
للامام الحجه عج
بمحبتك كل لباب العكلل ....... ينطار
عليك وكل محب بالصبر ..... ينطار
شوكت فجرك يبو الثارات .... ينطار
وتكحل عيونه الطلعه البهيه
******************************************
خادم اهل البيت ... شاكر الشمري
ونسالكم الدعاااااااااااء

[عادل المنصوري]

بارك الله بيك اخي العزيز واثابك بحق مصاب ابي عبد الله الحسين عليه السلام ابوذيات جميله
وهذه ابوذيه مهداة الى الزهراء عليها السلام

النواظر بالدمع وثقت منبها
وشريعة الظلمت الزهره منبها
اسألك بالبها العندك منبها
ابهاء آل النبي تنعم عليه

[ام فيصل]

يظل دمعي عله ابو السجاد ...... يندار
ومثل شخصك محال يصير ..... يندار
صدك راسك يظل عالرمح ..... يندار
ويظل الجسد مرمي عله الوطيه


طيب الله انفاسك
وأجرك على الحسين عليه السلام عزيزي
باقة رائعة من الابوذيات
سلم لنا مدادك الموالي
وماننحرم هذا الرفد المبارك

لك اطيب تحياتي

[الشاعر شاكر الشمري]

اشكر مرورك الكريم اخ عادل
ورائع بيت الابوذيه
تحيااتي لك

[الشاعر شاكر الشمري]

مروركم اروع ام فيصل وممنون لتواجدكم على صفحتي
لكمني ارق التحيات