مع ذلك آني احبج ....

[نظرات تؤرقني]

انتي ما تعرفين المحبة
وانتي دختي بالخيال
انتي ما فكرة مرة وما سألتيني سؤال
انتي هم مرة صفنتي وبية فكرتي محال
وآنة كل لحظة حبيبي
شوكج يكلي تعال
يا حرام أشكد عشكتج
يا وسافة اشكد شكيت
انتي لو تدرين والله
جان اجيتي بكل وصال
اشلون عندج كلب ينسى
وآنة كلبي حمل وصارن جبال
آنة احاجيج بوجاهة وانتي صلفة
وما تردين الجواب
آنة لو غيرج انظره
بسرعة يركعلي الجمال
عفية كلبي اشمالك تحب الاذية
تحبهة هية وحبهة خلالي عذال
امداني وامدة طبعي الصكرني
اشلون احبج وانتي
مغرورة بدلال
وآنة واحد عايش بطيبة وبسيط
غلطة حبي
واعشكت رمش الغزال
ياهو آنة وياهو انتي ؟؟
ظلي يحبيبة ارتحال
مثل غيري
وذاك حصته
امنالطوآل
واني ذبيتني
عثرة
وبلكي بيهة ايطيح من عدوانج ارجال
عفية هية اشلون لعبة
وآني افهمهة بسجال
وخل اكلج هسة شنهي
آني وآكف ...
وانتي طحتي بالسفال .

بقلمي الخاص .

[محسن المفرجي]

الله يعينك هذا مااستطيع ان اقوله فكلماتك تعبرعن معانات عاشق واي عاشق
شكرا لك يانظرات وتحياتي

[رسل القيسي]

الله
الله
يامبدع فعلا كلمات ولا ارووع سلمت يداك

[لحن الوفاءءءءء]

تسلم الايادى كلمات لن تنسى

[ابو فاطم]

شكرا يا مبدع وللقصيدة الجميلة تحية وتقدير
ننتظر جميل قلمك الرائع دائما اخي ابو محمد
كل الشكر اخي الغالي
ولكم خالص التقدير

[نظرات تؤرقني]

الله يعينك هذا مااستطيع ان اقوله فكلماتك تعبرعن معانات عاشق واي عاشق
شكرا لك يانظرات وتحياتي

مشكور اخوية الغالي منور وربي
تحياتي الك
شاعرنا القدير
ممنونك

[نظرات تؤرقني]

الله
الله
يامبدع فعلا كلمات ولا ارووع سلمت يداك

شكرا جزيلا عضوتنا الجديدة تحياتي الك
وذوقك الشاعري
ممنون منك
انتظرجديدك

[نظرات تؤرقني]

تسلم الايادى كلمات لن تنسى

شكرا لحونة الوردة منورة وربي
ممنون منك ولمرورك العطر العذب
تحياتي الك