احب واحب واحب**

احب صوت البلابل والعصافير

موبالقفص...بحلوك البساتين

واحب خيط الشمس ينزل على الكاع

حته يخيط جروح الروازين

واحب الصبح اكعد والكه الورود

بحدايق ...موش محبوسه بسنادين

واحب الكه الفراش مزاعل الخوف

واحب الكه العروك امصاحبه الطين

واحب الكه الحمام بمشتهى يطير

واحب ماشوف مصنع للسجاجين

واحب الكه السمه مابيها دخان

واحبن ..غيمها ينكط موازين

واحب ريحة الهيل تكعد البيوت

ومنها مايمل خلك الفناجين

واحب الكه النوارس شابكه الماي

واحب صورتها تجبر خاطر العين

واحب الكه الخضار محزم الكاع

واحب الكه الدفو بصدر الدواوين

واحب ريحة العنبر ترجع بشوك

وتذكر ناسنه بخبز الجوانين

واحب الكه السنابل فوك المروز

تمسح دمع طاح بذيج السنين

واحب الكه المدارس تارسه الكون

واحب ماشوف قضبان الزنازين

واحب احضه برئيس يفرح الناس

ميجامل عمر ويزعل حسين

احب احضه برئيس يسجل افراح

مو واكف يسجل بالمساجين

واحب الكه السياسه بحجي الازهار

اذا بالساحه طش عطر الرياحين

واحب الكه الشوارع حاضنه النور

وماتشمر الموت اعله المساكين

واحب الكه المسيحي براحته يعيش

ويلمس نهج( لا اكراه في الدين)

للشاعر الدكتورفلاح الزيدي

[السومري71]

الله الله عليك اخي العزيز الأمير سامر
انتقاء وذائقه بطعم الشهد
قصيدة حمله في سطورها
حلم وردي يراود الملايين
اتمنى ان يأتي يوم ويتحقق ولو نصف هذه الأحلام
تحياتي وتقديري لك وللشاعر المبدع الدكتور فلاح الزيدي
سرني التواجد اولا

[عاشق البنفسج]

[الشيخ ابوحيدر]

لوحه رائعه
من مبدع صاغ حروفها
واخرجها باحلى حله وابها
صوره لك كل الحب لهذه الذائقه

الله الله الله
تحياتي لسموك
لهذا الأختيار والذوق الراقي
والشكر موصولٌ للشاعر المبدع
فلاح الزيدي
تقبل مروري

[الكناري يونس الجبوري]

صح لسان شاعرها وعاشت ايدك اخي الكريم
تقبل مروري وتحيتي لك

الله الله عليك اخي العزيز الأمير سامر

انتقاء وذائقه بطعم الشهد
قصيدة حمله في سطورها
حلم وردي يراود الملايين
اتمنى ان يأتي يوم ويتحقق ولو نصف هذه الأحلام
تحياتي وتقديري لك وللشاعر المبدع الدكتور فلاح الزيدي

سرني التواجد اولا

سرني ردك السومري بدون ردك تكون القصيدة منقوصة السيادة شكرا لك اخي

عاشق البنفسج عشقت ردك كما عشقت انت البنفسج يا ذواق