عين الشمس

[المتنبي]

الوكت سويته حرمه شيليته
وبيدي كارة مذله شيليته
أخوي الجبته جاري شيليته
طلع علاس ويدلي عليه

عين الشمس رمدت منجدحنه
وحتى الغيم يشرب منجدحنه
الخلك حرف تايه ومنجدحنه
عراقين قاموس البريه

المناصب ماردته هيهجتني
ولاغركان جسمي وهيجتني
جرح مزمن وغافي وهيجتني
ملح ضيمك صمطني وعمل بيه

منقـــــــــــــــــــــــــول

[اسدالعراقي]

شكرا اخي العزيز المتنبي الورد
على الابوذيات الجميلة و المميزة
عاشت الايادي ياورد
وتحياتي

[محمد السوداني]

عين الشمس رمدت منجدحنه
وحتى الغيم يشرب منجدحنه
الخلك حرف تايه ومنجدحنه
عراقين قاموس البريه

والله وعاشت ايدك وصح السانك اخويه العزيز المتنبي
انتقاء رائع كروعتك يلغالي
تقبل تحياتي

[ام فيصل]

ماشالله عليك عزيزي المتنبي
اختيار رائع وابوذيات جميلة
دمت لنا بهذا العطاء
وتحياتي لك