خاطرة اشجان سفر احلامي
من غيمات الودق وبكاء الطرقات الرمادية
وسرابها المعانق للامنيات
من سفر احلامي اللاهثة لاختزال المسافات
وابتزاز شياطين الرغبات
من حلم اطفال العراق
ومنفى العمر وحرقة الزفرات
يراودني الرحيل اليك بطيئا كما الموت
وراهب يقيم قداس الخيبات
كنبي يخيط الحزن بدعوات
انتعل الصبر وبصوتي اغنيه
تشبه
انين الفاقدات
الم وجعك ورماد الكلمات
اعزف لحنا على وتر دم تضخه الاهات
سبقني الصدى وصوت عار
يفضح تاتات النداء
الرد (خل نحط ارحالنه ونحسب سنين)
اوكف اوكف ...
خل نحط ارحالنه انشوف الطريج
اشكد مشينه .. شكد وكفنه .. شظل اله
اشكد سحكت اسنين بجدامي واجيت
ولو تعد امتار اطلع باوله
عاين اسفاه الورد ...
رسم الطريج ...
اوعاين اشواطي الفرح هالذابله
اوعاين لوجه الصبح مغسول دوم
وتدري بس طشار دمعي اليغسله
منفي نص كاعي وصرت باهلي غريب
وحيلي كاعد فوك هضمه وشايله
جابني لقداس راهب صلى بيه
وبس صدى الجدران صوته تناقله
وشفت سيد رفع جفين الاحرام
واول اصفوف التأم ما كامله
وشفت عود ابخور والشاهد جديد
وكبر دارس والتراب الماكله
وبالعكس ناعور ياخذ بالسكاه
وينفضه ابطين الجزر ويجمله
هاي اول وكفه صارلنه سنين
والطريج اطويل بعده باوله
والطريج اطويل بعده باوله