ارقى الأبوذيات البصراويه

مرتب ما شفت مثلك ولا صاك
ياهو الخربطك عني ولا صاك
بيديه ما ذبحت احد ولا صاك
ولجل عينك اصك روحي بديه






عمري تيهيته وضاع سني
كبرت وطاح من كدام سني
شيعي وجيف احبك صرت سني
وتيهت الخمس والمرجعيه





جمالك عذب المخلوق صفين
ومن هجرك دموع العين صفين
علينه من تمر أنصير صفين
صف ينحني وصف ياخذلك تحيه





حبيبي انت جميل وحيل فاتن
والك عشر سهام بالكلب فاتن
اتمنه انه فوزي وانت تصير فاتن
وعسانه نموت بالركه سويه







اكوم أجلالن لحسنك وأقف لك
وأسجل كلبي يا خلي وقف لك
وأطب بصدري واقفلنك واقفلك
وأقفل كلبي وأقفلكم عليه






أفرمت كلبي أريدن والغي رامه
وأشيل العشك منه والغرامه
عليك انت المخطط والغرامه
لأن كلبك كسر غفله عليه





غيرك ما حله بعيني ولاطاب
ولا دونك دخل كلبي ولاطاب
جرح الكلب ما هود ولا طاب
دم انزف ولا تسأل عليه

[سلام الدراجي]

تسلم على هاي الابو1يات الجميله واسمع
من الزير روماني وحده

علي من مرن اضعونه وفاتن
رمني وصوبن جبدي وفاتن
خلق ربنه جمال ساحر وفاتن
اشتصير گلوبنه ومتحن شجيه

وسلامتكم

حلوووووووووووووووووووووووووووووووووووووووووووووووو وووووووووووووووووووووه

حلوووووووووووووووووووووووووووووووووووووووووووووووو ووووووووووووووووووووووووووووه

[سلام الدراجي]

السلام عليكم
هاي الى الاخ محمد عادل

جرح الگلب ما هود وخزن
مثل بير انترس مايه وخزن
جروحك يبن عادل بگلبي وخزن
صباح وليل ما هجعن عليه
وشكرا لكم

[ذيب الغزالية]

وخرووووووووووووووووووو

وخروووووووووووووووو

طلقتين لخاطر الحضور

عليييييييييييييهم




تقبلوا تحيااتي

أخوكم : عمر الحجار أبو الفاروق

أفرمت كلبي أريدن والغي رامه
وأشيل العشك منه والغرامه
عليك انت المخطط والغرامه
لأن كلبك كسر غفله عليه

روووعه .
شكرا ابوذيات روعه لانهم ابوذيات بصراويه.
تسلم وشكرا

عاشت ايدك ع الابوذيات الحلوة مشكور ياوردة وننتظر جديدك