بالنجف شمسين

شمس باليل گبتك لليزورون
شمس ويه الشمس بالنجف شمسين
علي وگبة علي تهدي ليضيعون
من بعيد گبتك تجذب العين
علي يمتعب اشعار لينضمون
من يوصل مقامك يا ابو حسين
يبن عم النبي لمن ينسبون
واخو الطيار ذاك العنده جنحين
علي زوج البتول شما ينكرون
علي اول اسلام وكلها بعدين
علي قرأن ناطق لليفسرون
علي نور الرساله وسنّة الدين
بفراش النبي نام ويحرسون
اله ملكين حراسه ابو حسين
علي الايمان كله شما يزورون
علي باب المدينه وقاضي الدين
علي وشيعة علي همه ليفوزون
بحديث من النبي بشر بالثنين
علي الولاه ابو القاسم على الكون
علي بعد النبي والي المسلمين
ضرب مرحب علينا بسيف حدين
تعادل ضربته عبادة الثقلين
سماه النبي بمنزلة هارون
ولون بعده نبي صارو نبيين
علي زكه بصلاته واليزكون
ولا واحد بآيه نذكر حرفين
برز الايمان كله لليشركون
النبي گلهم علي الايمان بالدين
وياه الحق يدور الكل يعرفون
علي الحق والحقيقه لليصلون
النبي اتباهل ببوزينب ينكرون
وبالزهره التقيه وحسن وحسين
وصلاتي اعله الني كل ما يصلون
وعلى بيت النبي الغر الميامين


كلمات
ناصر اسماعيل الموزاني