باركولي وعزوني بنفس الوقت ؟؟؟؟؟؟؟!!!!!!!!!!!

[اسيرة دمعتي]

• 
  السلام عليكم
  صباح الخير لو كان صباحا
  مساء الخير لو كان مساءا
  بالبدايه مساء الورد عليكم يانور عيوني شلونكم
  اريدكم اتباركولي وتهنوني لان سويت عمليه وعدت على خير
  اعتقد اغلبكم يعرفون بهالشي
  الموضوع ابتدى بحصوة صغيرة وبعد مراجعه الطبيب الغلط كبرت وصارت ابكد حجمهه اربع مرات وصل حجمهه 6 مليم اخذت كل انواع الادويه الموجودة ومافادت
  ورة فترة تعبت الكه مالتي البيهه الحصوة وبعد مراجعات ومغذيات وابر من هاي الزينه كدر الدكتور ايخليه تشتغل لمدة اربع اسابيع على امل نلكه متبرع بس للأسف ملكينه حددنه موعد للعمليه ورحت اسويهه ابغداد
  سويت زيارة للأمه رحت الكربلاء والنجف وسامراء وبغداد حته الله يوفقني اهناك
  بالعمليه ودعيتلكم بالاسماء واحد واحد
  المهم سويت العمليه واخذت لابتوب وياي حته اراسلكم واطمن عليكم
  واليوم انه اراسلكم وانه واكفه على رجليه وعندي كله وحدة بس !!!!!!!!!!!
  فهل من مهنئ ؟؟؟؟؟؟؟؟؟؟؟؟؟؟؟؟؟؟؟؟؟
  ومعزي بنفس الوقت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
  

[ام فيصل]

الف سلامة عليك عزيزتي
وماتشوفين شر انشالله

والحمد لله على سلامتج أجر وعافية
لابد ان نهنئك على نجاح العملية ووقوفك على ارجلك لا ان نعزيك لاسامح الله

فالخيرة فيما إختاره الله

مع تحياتي لك

[ابو فاطم]

حمدا لله على سلامتك يا اختي
ولا تقولي عزاء
بل نحمده معاك على سلامتك وعودتك الينا ولأهلك وانت بخير وعافية
نتمنى لكى ملأ قلوبنا الشفاء العاجل
وان يحرسك الله من كل سوء
يااارب

[اشجان]

(وإذا مرضتُ فهو يشفين)

الغالية أسيرة حمدا لله على سلامتك وكما قلت أنت واقفة على رجليك فماذا تقولين للذين لا يقفون أبدا ولن يقفوا

غاليتي كل من عند الله خيرا فلا تيأسي

شفاك المولي وطهورا إن شاء الله

[النجم العراقي]

الحمد لله على السلامة اسيرة
ان شاء الله ماتشوفين مرض ولاتعب
والحمد لله على كل حال اختي الغالية
تحياتي ودعواتي بالشفاء التام

[احلاهن بطة]

الحمد لله على سلامتك اسوره
وماتشوفين شر
والمهم انتي بخير
وموجوده ويانه هسه
وهذا اختبار من رب العالمين
والحمد لله على كل شيء
تحياتي الج
ويارب تكومين بالسلامه ياغالية

[العبيدي]

[اسيرة دمعتي]

شكرا ام فيصل حبيبتي ما تشوفين مرض انشالله
احلاهن بطه مشكورة عمري الحمد لله على كل حال
foraten.net/?foraten.net/?foraten.net/?foraten.net/? السالم مشكورة اخويه الله ميشوفك اللي شفته
النجم العراقي شكرا على المرور الحلو
اشجان الحمدلله ربج ما ينسه احد الل كريم
ابو مالك ياهلا بيك شكرا علىالصورة الروعه عاشت ايدك
عجبتني حيل عاشت ايدك